ദുബൈ: ദുബൈ സ്റ്റുഡിയോ സിറ്റി, ദുബൈ ഔട്ട്‌സോഴ്‌സ് സിറ്റി എന്നിവിടങ്ങളിലെ രണ്ട് പുതിയ മേഖലകളിലേക്ക് കൂടി പെയ്ഡ് പാർക്കിംഗ് സംവിധാനം വ്യാപിപ്പിച്ച് പാർക്കിൻ. 

ഒക്ടോബർ 31-നാണ് ദുബൈയിലെ ഏറ്റവും വലിയ പൊതു പാർക്കിംഗ് ഓപ്പറേറ്ററായ പാർക്കിൻ പിജെഎസ്‌സി (Parkin PJSC) തങ്ങളുടെ ഔദ്യോഗിക സോഷ്യൽ മീഡിയ ചാനലുകളിലൂടെ ഇക്കാര്യം വ്യക്തമാക്കിയത്. പുതിയതായി ഉൾപ്പെടുത്തിയ പ്രദേശങ്ങളിൽ സെെൻ ബോർഡുകൾ സ്ഥാപിച്ചിട്ടുണ്ടെന്ന് പാർക്കിൻ അറിയിച്ചു.

പുതിയ പാർക്കിംഗ് നിരക്കുകൾ (T-കോഡ്)

• പുതിയ മേഖലകളിൽ T-കോഡ് താരിഫ് സിസ്റ്റമാണ് ഉള്ളത്. താരിഫ് നിരക്കുകൾ താഴെ നൽകുന്നു:

ദുബൈ ഔട്ട്‌സോഴ്‌സ് സിറ്റി (സോൺ കോഡ് 812T), ദുബൈ സ്റ്റുഡിയോ സിറ്റി (സോൺ കോഡ് 675T) എന്നിവിടങ്ങളിലെ നിരക്കുകൾ:

സമയം                 നിരക്ക്

0.5 മണിക്കൂർ        2 ദിർഹം
1 മണിക്കൂർ           4 ദിർഹം
2 മണിക്കൂർ           8 ദിർഹം
3 മണിക്കൂർ           12 ദിർഹം
4 മണിക്കൂർ           16 ദിർഹം
5 മണിക്കൂർ           20 ദിർഹം
6 മണിക്കൂർ           24 ദിർഹം
7 മണിക്കൂർ           28 ദിർഹം
24 മണിക്കൂർ         36 ദിർഹം

ALSO READ: നവംബർ മാസത്തെ ഇന്ധനവില പ്രഖ്യാപിച്ച് യുഎഇ; പെട്രോൾ, ഡീസൽ വില കുറഞ്ഞു

പാർക്കിംഗ് സബ്സ്ക്രിപ്ഷൻ

ഈ പ്രദേശങ്ങളിൽ ജോലി ചെയ്യുന്നവർക്കും താമസക്കാർക്കും പ്രതിമാസ/ദീർഘകാല പാർക്കിംഗ് സബ്‌സ്‌ക്രിപ്ഷനുകളും ലഭ്യമാണ്:

കാലയളവ്       നിരക്ക് 

1 മാസം               315 ദിർഹം
3 മാസം               840 ദിർഹം
6 മാസം               1,680 ദിർഹം
12 മാസം             2,940 ദിർഹം

അതേസമയം, കഴിഞ്ഞ ഓഗസ്റ്റിൽ പാർക്കിൻ അൽ ജദ്ദാഫിൽ പുതിയ പെയ്ഡ് പാർക്കിംഗ് മേഖലകൾ (സോൺ 326C, 326D) അവതരിപ്പിച്ചിരുന്നു. ഈ സോണുകളിലെ മണിക്കൂർ നിരക്കുകൾ തിരക്കേറിയ സമയ‌ത്തും, തിരക്കില്ലാത്ത സമയത്തും വ്യത്യാസപ്പെടുമെന്ന് കമ്പനി അറിയിച്ചിരുന്നു.

The parking system in Dubai has been expanded to include two new areas: Dubai Studio City and Dubai Outsourcing City. This move aims to manage parking demand and encourage more efficient use of parking spaces.