തിരുവനന്തപുരം: സ്കൂൾ വിദ്യാർഥിനിയോട് ലൈംഗികാതിക്രമം നടത്തിയ കേസിൽ സ്കൂൾ വാൻ ഡ്രൈവർ അറസ്റ്റിൽ. തിരുവനന്തപുരം ചാക്ക സ്വദേശിയായ വേലപ്പൻ (60) ആണ് പൊലിസിന്റെ പിടിയിലായത്. പോക്സോ വകുപ്പുകൾ ചുമത്തിയാണ് ഇയാൾക്കെതിരെ കേസെടുത്തിരിക്കുന്നത്. 

കുട്ടികളെ സ്കൂളിൽ എത്തിക്കുന്ന വാനിന്റെ ഡ്രൈവറാണ് അറസ്റ്റിലായ വേലപ്പൻ. ഇയാൾ പതിവായി ലൈംഗികാതിക്രമം നടത്തിയതായി വിദ്യാർഥിനി അധ്യാപികയെ അറിയിക്കുകയായിരുന്നു. തുടർന്ന്, കുട്ടിയുടെ മാതാപിതാക്കൾ പൊലിസിൽ പരാതി നൽകി.

ALSO READ: 'മണ്ടനാണെങ്കിലും അറിയാതെ സത്യം വിളിച്ചുപറഞ്ഞ ഗോപാലകൃഷ്ണൻ എൻ്റെ ഹീറോ': ബിജെപി നേതാവിനെ പരിഹസിച്ച് സന്ദീപ് വാര്യർ

ഇയാൾ ഓടിച്ചിരുന്ന സ്കൂൾ വാനിലായിരുന്നു വിദ്യാർഥിനി സ്കൂളിലേക്ക് പോയിരുന്നത്. യാത്രയ്ക്കിടെയാണ് ലൈംഗികാതിക്രമം നടന്നതെന്ന് പൊലിസ് അറിയിച്ചു. പരാതിയെ തുടർന്ന് കേസെടുത്ത് പൊലിസ് പ്രതിയെ ഉടൻ പിടികൂടുകയായിരുന്നു. അറസ്റ്റ് രേഖപ്പെടുത്തിയ ശേഷം ഇയാളെ കോടതിയിൽ ഹാജരാക്കി റിമാൻഡ് ചെയ്തു.

ALSO READ: ആറുമാസം പ്രായമുള്ള കുഞ്ഞ് കൊല്ലപ്പെട്ട സംഭവം: കൊലപാതകമെന്ന് സ്ഥിരീകരിച്ച് പൊലിസ്; അമ്മൂമ്മയുടെ അറസ്റ്റ് നാളെ രേഖപ്പെടുത്തും

A school van driver in Thiruvananthapuram, identified as Velappan, has been arrested under the POCSO Act for allegedly sexually assaulting a female student who regularly traveled in his van. The incident came to light after the girl reported the repeated abuse to her teacher, leading to a police complaint filed by her parents. He was arrested, produced before the court, and subsequently remanded.