വെള്ളറട: നിര്‍ത്തിയിട്ടിരുന്ന ടിപ്പര്‍ലോറി മുന്നോട്ട് നീങ്ങി വൈദ്യുത പോസ്റ്റ് തകര്‍ത്തു.
ഇന്നലെ രാവിലെ പത്തിന് കുന്നത്തുകാലിന് സമീപം ചാവണ്ടി വില്ലേജ്ഓഫീസിന് അടുത്തായിരുന്നു അപകടം.പോസ്റ്റ് ഒടിഞ്ഞതോടെ വൈദ്യുത ലൈനുകള്‍ ടിപ്പറിന്റെ പുറത്ത് പതിച്ചു. ഇതിനെ തുടര്‍ന്ന് കുന്നത്തുകാല്‍ പെരുങ്കടവിള റോഡില്‍ രണ്ടരമണിക്കൂര്‍ ഗതാഗതം തടസ്സപ്പെട്ടു.
നഷ്ടപരിഹാരം നല്‍കാമെന്ന് ടിപ്പര്‍ ഉടമ രേഖാമൂലം
ഉറപ്പു നല്‍കിയ ശേഷമാണ് വാഹനം സ്ഥലത്തു നിന്നും നീക്കിയത്.