റിയാദ്: സൗദിയിലെ അല്‍കോബാറില്‍ മലയാളി ഹൃദയാഘാതംമൂലം മരിച്ചു. തിരുവനന്തപുരം നെയ്യാറ്റിന്‍കര കാരകോണം സ്വദേശി അരുണ്‍ കുമാര്‍ (48) ആണ് ഹൃദയാഘാതംമൂലം മരിച്ചത്. നെഞ്ചുവേദന അനുഭവപ്പെട്ടതിനെ തുടര്‍ന്ന് ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. സ്വകാര്യ കമ്പനിയില്‍ അകൗണ്ട്സ് വിഭാഗത്തില്‍ ജോലി ചെയ്തുവരികയായിരുന്നു. 

മൃതദേഹം അല്‍കോബാര്‍ അല്‍മന ആശുപത്രി മോര്‍ച്ചറിയിൽ സൂക്ഷിച്ചിരിക്കുക ആണ്. ഭാര്യയും കുട്ടികളുമടങ്ങുന്ന കുടുംബം സൗദിയിൽ ഇദ്ദേഹത്തോടൊപ്പം ഉണ്ടായിരുന്നു. 

   തിരുവനന്തപുരം പ്രവാസി അസോസിയേഷന്‍ ഭാരവാഹികളുടെ നേതൃത്വത്തില്‍ നിയമ നടപടികള്‍ പൂര്‍ത്തിയാക്കി മൃതദേഹം നാട്ടിൽ എത്തിച്ചു സംസ്കരിക്കുമെന്ന് ബന്ധുക്കള്‍ അറിയിച്ചു.