എന്തു സാധനമായാലും അമിതമായി കഴിക്കുന്നത് ആരോഗ്യത്തിന് അത്ര നല്ലതല്ല. വിറ്റാമിന്‍ പോലുള്ള അവശ്യ പോഷകങ്ങള്‍ക്കും ഇത് ബാധകമാണ്. നിങ്ങളുടെ ശരീരത്തില്‍ വിറ്റാമിന്റെ അളവ് കുറഞ്ഞാല്‍ മാത്രമല്ല, കൂടിയാലും നിരവധി ആരോഗ്യ പ്രശ്‌നങ്ങള്‍ നിങ്ങളെ തേടിയെത്തും. മുറിവുകള്‍ സുഖപ്പെടുത്താനും കോശങ്ങളുടെ തകരാറുകള്‍ പരിഹരിക്കാനും രോഗപ്രതിരോധ ശേഷി വര്‍ധിപ്പിക്കാനും വിറ്റാമിനുകള്‍ വഹിക്കുന്ന പങ്ക് വളരെ വലുത് തന്നെയാണ്.

ചില വിറ്റാമിനുകള്‍ കുറഞ്ഞു പോയാല്‍ സ്‌കര്‍വി, അനീമിയ, റിക്കറ്റ്‌സ് പോലുള്ള രോഗങ്ങള്‍ക്കും കാരണമാകുന്നു. എന്നാല്‍ ഈ പോഷകങ്ങള്‍ അധികമായി നിങ്ങളുടെ ശരീരത്തിലേക്കെത്തുന്നതും ദോഷമാണ്. 

ലോകമെമ്പാടും വിറ്റാമിന്‍ ഡിയുടെ കുറവ് വ്യാപകമാണെങ്കിലും ഇന്ത്യക്കാര്‍ക്കിടയില്‍ ഇത് വളരെ സാധാരണമാണ്. ഏകദേശം 76 ശതമാനം ഇന്ത്യക്കാര്‍ക്കും വിറ്റാമിന്‍ ഡിയുടെ അളവ് കുറവു തുന്നെയാണ്. പഠനങ്ങളും സൂചിപ്പിക്കുന്നത് ഇവയുടെ അളവ് വളരെ കുറവാണെന്നാണ്.

 

ഇങ്ങനെ വിറ്റാമിന്‍ ഡിയുടെ അളവ് കുറയുന്നവരോട് സൂര്യപ്രകാശം ഏല്‍ക്കാനും പറയാറുണ്ട്. എന്നാല്‍ ഇതിനുള്ള അസൗകര്യം കാരണം ആളുകള്‍ പലപ്പോഴും വൈറ്റമിന്‍ ഡി സപ്ലിമെന്റുകള്‍ കഴിക്കുകയാണ് പതിവ്. 

ഡോക്ടറുടെ നിര്‍ദേശ പ്രകാരം വിറ്റാമിന്‍ ഡി സപ്ലിമെന്റുകള്‍ കഴിക്കുന്നത് ആരോഗ്യത്തിനു ഗുണം ചെയ്യും. എന്നാല്‍ ഈ സപ്ലിമെന്റുകള്‍ കഴിക്കുന്നതില്‍ നിങ്ങള്‍ അശ്രദ്ധരാണെങ്കില്‍ അത് ഗുരുതരമായ ആരോഗ്യപ്രശ്‌നങ്ങളിലേക്കും നയിക്കും. 

ALSO READ: ഹൃദ്രോഗ ലക്ഷണങ്ങള്‍ക്കായി എക്കോ ടെസ്‌റ്റോ ഇസിജിയോ രക്തപരിശോധനയോ നടത്തുന്നതിനു മുമ്പ് നോക്കേണ്ടത് നിങ്ങളുടെ കണ്ണുകളിലേക്ക്; ആരംഭം ഇവിടെ നിന്ന്

അമിതമായി വിറ്റാമിന്‍ ഡി കഴിച്ചാല്‍ വൃക്കകള്‍ക്ക് തകരാറ് സംഭവിക്കാം

അമിത അളവില്‍ വൈറ്റമിന്‍ ഡി കഴിക്കുമ്പോള്‍ രക്തത്തിലെ കാല്‍സ്യത്തിന്റെ അളവ് ഉയരുന്നതുമായി ബന്ധപ്പെട്ടുള്ളതാണ്. രക്തത്തില്‍ കാല്‍സ്യത്തിന്റെ അളവ് കൂടിയാല്‍ ഇത് അവയവങ്ങളെയും ബാധിക്കും. വൃക്കകള്‍ കൂടുതല്‍ ദുര്‍ബലമാവുകയും ചെയ്യും. ഇത് സ്ഥിരമായി തുടരുകയാണെങ്കില്‍ വൃക്കകള്‍ പൂര്‍ണമായും തകരാറിലാവുന്നതാണ്. 

പെട്ടെന്ന് പൊട്ടുന്ന അസ്ഥികള്‍

രക്തത്തിലെ ഉയര്‍ന്ന കാല്‍സ്യത്തിന്റെ അളവ് ധാതുക്കളും അസ്ഥികളുമായി ബന്ധിപ്പിക്കാന്‍ ഹോര്‍മോണിനെ അനുവദിക്കുകയില്ല. ഇത് ഗുരു തരമായ അസ്ഥി പ്രശ്‌നങ്ങള്‍ക്കും കാരണമാകുന്നു. പുറം വേദന, സന്ധി വേദന, അസ്ഥികള്‍ക്കുണ്ടാവുന്ന വേദന, കൂന് എന്നിവയ്ക്കും കാരണമാകുന്നു. 

ശ്വാസകോശ തകരാറുകള്‍

നിങ്ങളുടെ ശരീരത്തിലെ വിറ്റാമിന്‍ ഡിയുടെ അളവ് ഉയരുമ്പോള്‍ രക്തത്തില്‍ കാല്‍സ്യം ഫോസ്‌ഫേറ്റ് പരലുകള്‍ എന്നിവ രൂപപ്പെടുന്നതിലേക്കാണ് നയിക്കുന്നത്. ഈ പരലുകള്‍ ശ്വാസകോശം പോലുള്ള അവയവങ്ങളില്‍ അടിഞ്ഞു കൂടുകയും അതിനെ നശിപ്പിക്കുകയും ചെയ്യുന്നു.

നെഞ്ചു വേദന, ചുമ, ശ്വാസ തടസ്സം എന്നിവയൊക്കെയാണ് ഇവയുടെ ലക്ഷണങ്ങള്‍. കുടല്‍ സംബന്ധിച്ച പ്രശ്‌നങ്ങള്‍
വിറ്റാമിന്‍ ഡിയുടെ അളവ് അമിതമായാല്‍ അത് കഴിക്കുന്നത് നിങ്ങളുടെ കുടലിനെ പ്രശ്‌നത്തിലാക്കും. കാല്‍സ്യത്തിന്റെ അളവ് കൂടുമ്പോള്‍ വിശപ്പില്ലായ്മ, വയറിളക്കം, മലബന്ധം എന്നിവയുമുണ്ടാവാം. ചിലപ്പോള്‍ ഛര്‍ദ്ദിയും മനം പുരട്ടലും ഉണ്ടാവാം.

മാനസിക പ്രശ്‌നങ്ങള്‍

വിറ്റാമിന്‍ ഡിയുടെഅളവ് അമിതമാകുന്നത് നിങ്ങളുടെ അവയവങ്ങളെ മാത്രമല്ല കേടുവരുത്തുന്നത്, നിങ്ങളുടെ മാനസികാരോഗ്യത്തെയും അത് പ്രതികൂലമായി തന്നെ ബാധിക്കുന്നതാണ്. ശരീരത്തില്‍ വിറ്റാമിന്‍ ഡി അധികമാവുന്നത് മാനസിക പ്രശ്‌നങ്ങള്‍ ഉണ്ടാകാനുള്ള സാധ്യതയും വര്‍ധിപ്പിക്കുന്നു. ഇത് കൂടിപ്പോയാല്‍ വിഷാദം, മതിഭ്രമം, ആശയക്കുഴപ്പം തുടങ്ങിയ ലക്ഷണങ്ങളുമുണ്ടാവാം. 

Anything consumed in excess — even essential nutrients like vitamins — can harm the body. While vitamins are crucial for healing wounds, repairing tissues, and boosting immunity, both deficiency and excess can cause serious health problems. Vitamin D deficiency is common in India, affecting about 76% of the population. Since many people avoid sunlight, they rely on vitamin D supplements. When taken as prescribed by a doctor, these supplements are beneficial — but overconsumption can be dangerous.

Vitamin D is essential — but balance is everything. Always take supplements under medical supervision to protect your health.