ന്യൂഡല്‍ഹി: ദേശീയ തൊഴിലുറപ്പ് പദ്ധതിയുടെ ഡാറ്റാബേസില്‍ നിന്ന് 27 ലക്ഷം തൊഴിലാളികളുടെ പേരുകള്‍ വെട്ടിമാറ്റിയെന്ന് കോണ്‍ഗ്രസ്. സജീവമായി ജോലി ചെയ്തിരുന്ന ആറുലക്ഷം തൊഴിലാളികളെയും കേന്ദ്ര സര്‍ക്കാര്‍ വെട്ടിനിരത്തിയെന്നും പാര്‍ട്ടി ജനറല്‍ സെക്രട്ടറി ജയ്‌റാം രമേശ് പറഞ്ഞു. തൊഴിലാളികള്‍ക്ക് ഇ-കെ.വൈ.സി ഏര്‍പ്പെടുത്തിയാണ് ഈ കടുംവെട്ടെന്നും അദ്ദേഹം കൂട്ടിച്ചേര്‍ത്തു. 

മോദി സര്‍ക്കാര്‍ നടപ്പാക്കിയ ദേശീയ മൊബൈല്‍ മോണിറ്ററിങ് സിസ്റ്റം ആപ്, ആധാര്‍ അടിസ്ഥാനമാക്കിയുള്ള പേയ്‌മെന്റ് സംവിധാനം എന്നിവ രണ്ട് കോടിയോളം പേരുടെ തൊഴിലാണ് ഇല്ലാതാക്കിയത്. സുതാര്യതയുടെ പേരില്‍ ആധാര്‍ അടിസ്ഥാനമാക്കിയുള്ള ഡിജിറ്റല്‍ പ്രക്രിയയിലൂടെ തൊഴിലുറപ്പ് പദ്ധതി തന്നെ ഇല്ലാതാക്കാനുള്ള ശ്രമമാണ് മോദി സര്‍ക്കാര്‍ നടപ്പാക്കുന്നത്. തൊഴിലാളികളുടെ തൊഴില്‍ സംരക്ഷിക്കണമെന്നും, വേതനം 400 രൂപയാക്കി അത് യഥാസമയം നല്‍കണമെന്നും ജയറാം രമേശ് കൂട്ടിച്ചേര്‍ത്തു. 

ALSO READ: മദ്യലഹരിയിൽ അച്ഛനെ വെട്ടിപ്പരുക്കേൽപ്പിച്ച കേസ്: ഏഴ് വർഷം ഒളിവിൽ കഴിഞ്ഞ മകൻ പിടിയിൽ

Congress claims that 2.7 million workers’ names were deleted from the Mahatma Gandhi National Rural Employment Guarantee Act (MGNREGA) database. Party General Secretary Jayram Ramesh said that 6 lakh active workers were also removed by the central government.