പാലക്കാട്: ചിറ്റൂരിൽ കാണാതായ ആറ് വയസ്സുകാരൻ സുഹാനായി തെരച്ചിൽ ഊർജിതമാക്കി പൊലിസ്. ശനിയാഴ്ച രാവിലെ 11 മണിയോടെയാണ് കുട്ടിയെ കാണാതായത്. 

വീട്ടുമുറ്റത്ത് കളിച്ചുകൊണ്ടിരുന്ന സുഹാൻ സഹോദരനുമായി പിണങ്ങി വീട്ടിൽ നിന്നും പുറത്തേക്ക് പോയതാണെന്ന് ബന്ധുക്കൾ വ്യക്തമാക്കുന്നു. ഉച്ചയ്ക്ക് 12 മണിയോടെ വീടിനടുത്തുള്ള ഒരു ഇടവഴിയിൽ കുട്ടിയെ കണ്ടവരുണ്ട്, എന്നാൽ അതിനുശേഷം വിവരമൊന്നുമില്ല.

ALSO READ: പുതുവര്‍ഷം; ഡല്‍ഹിയില്‍ കനത്ത സുരക്ഷ; അറുനൂറിലധികം കുറ്റവാളികളെ കസ്റ്റഡിയിലെടുത്ത് പൊലിസ് 

നീലഗിരി പബ്ലിക് സ്കൂളിലെ അധ്യാപികയാണ് സുഹാന്റെ അമ്മ. അച്ഛൻ വിദേശത്താണ്. സംഭവസമയത്ത് സഹോദരനും മുത്തശ്ശിയും ബന്ധുക്കളുമാണ് വീട്ടിലുണ്ടായിരുന്നത്. വീടിനടുത്തുള്ള രണ്ട് വീടുകളല്ലാതെ മറ്റൊരു സ്ഥലവും കുട്ടിക്ക് പരിചയമില്ലാത്തത് ആശങ്ക വർധിപ്പിക്കുന്നു.

സ്ഥലത്തെ കുളങ്ങളിൽ ഫയർഫോഴ്സ് പരിശോധന നടത്തിയെങ്കിലും കുട്ടിയെ കണ്ടെത്താനായില്ല. നിലവിൽ പൊലിസ് സംഘം പ്രദേശത്ത് വ്യാപകമായ തെരച്ചിൽ നടത്തിവരികയാണ്. രാത്രിയിലും പരിശോധന തുടരാനാണ് പൊലിസിന്റെ തീരുമാനം.

The police have intensified their search for 6-year-old Suhan, who went missing in Chittoor on Saturday morning around 11 am. Authorities are urging anyone with information to come forward to aid in the search efforts