വിഴിഞ്ഞം: വിഴിഞ്ഞത്ത് മീൻപിടിക്കാൻ പോയ വള്ളം അപകടത്തിൽപ്പെട്ടതിനെത്തുടർന്ന് കടലിൽ കുടുങ്ങിയ മൂന്ന് മത്സ്യത്തൊഴിലാളികൾക്ക് രക്ഷകരായി കോസ്റ്റൽ പൊലിസ്. ശനിയാഴ്ച വൈകീട്ടോടെയായിരുന്നു സംഭവം. ശക്തമായ തിരയിൽപ്പെട്ട് വള്ളത്തിന്റെ എൻജിൻ ഇളകി കടലിൽ വീണതാണ് അപകടത്തിന് കാരണമായത്.

മുഹമ്മദ് ഇസ്മായിൽ (61), മുജീബ് റഹ്‌മാൻ (37), ആദം കരീം (60) എന്നിവരാണ് വള്ളത്തിലുണ്ടായിരുന്നത്. സിറാജുദീൻ എന്നയാളുടെ ഉടമസ്ഥതയിലുള്ള വള്ളത്തിലാണ് ഇവർ മീൻപിടിക്കാൻ പോയത്. എൻജിൻ നഷ്ടപ്പെട്ടതോടെ വള്ളം നിയന്ത്രണം വിട്ട് ഒഴുകുകയായിരുന്നു. ഇതോടെ തൊഴിലാളികൾ സഹായത്തിനായി കോസ്റ്റൽ പൊലിസിനെ വിളിച്ചു.

ALSO READ: ത്രിതല പഞ്ചായത്ത് അധ്യക്ഷ തെരഞ്ഞെടുപ്പ്; അട്ടിമറിയും, കാലുവാരലും; മുന്നണികള്‍ക്ക് തലവേദന

വിവരമറിഞ്ഞ ഉടൻ തന്നെ എസ്.എച്ച്.ഒ വിപിന്റെ നിർദ്ദേശപ്രകാരം എസ്.ഐ ജോസും സംഘവും പട്രോളിങ് ബോട്ടിൽ സ്ഥലത്തെത്തി. കടലിൽ ഒഴുകുകയായിരുന്ന വള്ളം കയർ ഉപയോഗിച്ച് പട്രോളിങ്ങ് ബോട്ടിൽ കെട്ടിവലിച്ച് സുരക്ഷിതമായി കരയിലെത്തിക്കുകയായിരുന്നു. 

The Coast Guard rescued three fishermen who were trapped at sea after their boat capsized off Vizhinjam due to strong waves and engine failure. The incident occurred on Saturday evening, and the fishermen were rescued safely.