കോട്ടയം റവന്യൂ റിക്കവറി പിരിവില്‍ മികച്ച പ്രവര്‍ത്തനം കാഴ്ചവച്ച് സംസ്ഥാനത്ത് മൂന്നാം സ്ഥാനം നേടിയ കോട്ടയം ജില്ലയ്ക്ക് ഒരു കോടി രൂപ പാരിതോഷികം അനുവദിച്ച് സര്‍ക്കാര്‍ ഉത്തരവ് ലഭിച്ചതായി ജില്ലാ കലക്ടര്‍ സി.എ ലത അറിയിച്ചു. ഈ തുക ജില്ലയിലെ റവന്യൂ വകുപ്പിന് കീഴിലുളള ഓഫീസുകളുടെ അടിസ്ഥാന സൗകര്യ വികസനത്തിനും ആധുനികവത്ക്കരണത്തിനും ഓഫീസിലെത്തുന്ന പൊതുജനങ്ങള്‍ക്കുളള സൗകര്യങ്ങള്‍ വര്‍ദ്ധിപ്പിക്കുന്നതിനുമാണ് വിനിയോഗിക്കുക.