ബംഗളൂരു: ക്ഷേത്രത്തില്‍ വെച്ച് മകളെ ബലി നല്‍കാന്‍ അമ്മയുടെ ശ്രമം. ഗുരുതരമായി പരുക്കേറ്റ 25കാരിയായ മകള്‍ ആശുപത്രിയിലാണ്. ബംഗളൂരു തനിസാന്ദ്ര മെയിന്‍ റോഡിന് സമീപം അഗ്രഹാര ലേഔട്ടിലെ ഹരിഹരേശ്വര ക്ഷേത്രത്തിലാണ് സംഭവം. കഴുത്തിനുപിന്നിലാണ് യുവതിക്ക് വെട്ടേറ്റിരിക്കുന്നത്.

സംഭവം ഇങ്ങനെ
ബുധനാഴ്ച പുലര്‍ച്ചെയാണ് അതിഭീകരമായ സംഭവമുണ്ടായത്. അനേക്കലില്‍ താമസിക്കുന്ന സരോജമ്മ(55) മകള്‍ രേഖയുമൊത്ത് (25) കഴിഞ്ഞദിവസം രാവിലെ നാലരയോടെ ക്ഷേത്രത്തില്‍ ദര്‍ശനത്തിനെത്തിയതായിരുന്നു. പ്രാര്‍ഥിച്ചുകഴിഞ്ഞ് ഇരിക്കുന്നതിനിയെ അമ്മ പെട്ടെന്ന് വാളെടുത്ത് മകളെ വെട്ടുകയായിരുന്നു. പിന്നില്‍നിന്നാണ് സരോജമ്മ മകളെ അരിവാള്‍ ഉപയോഗിച്ച് വെട്ടിയത്. രേഖയുടെ നിലവിളികേട്ട് ഓടിക്കൂടിയവര്‍ സരോജമ്മയെ പിടിച്ചുമാറ്റുകയായിരുന്നു.

രേഖയും ഭര്‍ത്താവും സ്ഥിരമായി വഴക്കടിക്കാറുണ്ടായിരുന്നുവെന്ന് പൊലിസ് പറയുന്നു.  വഴക്കിന്റെ പേരില്‍ ഇടക്കിടെ ഇവര്‍ സ്വന്തം വീട്ടില്‍ വന്ന് നില്‍ക്കാറുണ്ടായിരുന്നു. അടുത്ത ദിവസങ്ങളിലും അവര്‍ അമ്മയോടൊപ്പമാണ് ഉണ്ടായിരുന്നത്. 

ALSO READ: 'ബി.ജെ.പിയോടാണ് കൂറെങ്കില്‍ പിന്നെ കോണ്‍ഗ്രസില്‍ തുടരുന്നതെന്തിന്'  മോദി സ്തുതിയില്‍ ശശി തരൂരിനെതിരായ വിമര്‍ശനം രൂക്ഷം 

തുടര്‍ന്നാണ് മകളുമായി സരോജമ്മ ക്ഷേത്രത്തിലെത്തിയത്. ജ്യോതിഷിയുടെ നിര്‍ദേശപ്രകാരമാണ് മകളെ നരബലിനല്‍കാന്‍ സരോജമ്മ തീരുമാനിച്ചതെന്നാണ് പൊലിസിന്റെ സംശയം.

സംഭവത്തിന്റെ സിസിടിവി ദൃശ്യങ്ങള്‍ പൊലിസ് പരിശോധിച്ചു. വിവാഹ പ്രശ്നങ്ങളില്‍ നിന്ന് മോചനം നേടുന്നതിനായി രണ്ട് സ്ത്രീകളും അടുത്തിടെ പ്രത്യേക പ്രാര്‍ത്ഥനകള്‍ നടത്തിയിരുന്നുവെന്നും ഇതുസംബന്ധിച്ച് കൂടുതല്‍ അന്വേഷണം ആരംഭിച്ചിട്ടുണ്ടെന്നും പൊലിസ് പറഞ്ഞു.

police reported that a woman allegedly tried to harm her daughter at a temple based on an astrologer’s instructions. the seriously injured child is currently undergoing treatment in critical condition at a hospital. an investigation is underway.