തിരുവനന്തപുരം: കഴക്കൂട്ടത്ത് ഷോക്കേറ്റ് ഇതര സംസ്ഥാന തൊഴിലാളി മരിച്ചു. അസം സ്വദേശി കജോൾ ഹുസൈനാണ്  മരിച്ചത്. ടെക്‌നോപാർക്കിലെ ക്വസ്റ്റ് കമ്പനിയിലാണ് അപകടം നടന്നത്. കെട്ടിടത്തിന്റെ ചുമരിൽ പെയിന്റടിക്കാനായി വാട്ടർഗൺ ഉപയോഗിച്ചുകൊണ്ട് കഴുകുന്നതിനിടെ 110 കെവി വൈദ്യുത കമ്പിയിൽ തട്ടുകയായിരുന്നു. ഉടനെ തന്നെ ഹുസൈനെ മെഡിക്കൽ കോളേജിൽ എത്തിച്ചെങ്കിലും ജീവൻ രക്ഷിക്കാൻ സാധിച്ചില്ല.