ന്യൂഡൽഹി: റഷ്യൻ പ്രസിഡന്റ് വ്‌ളാഡിമിർ പുടിൻ ഇന്ത്യയിലേക്ക്. ഡിസംബർ 4, 5 തീയതികളിലാണ് അദ്ദേഹം ഇന്ത്യയിലെത്തുക. പ്രധാനമന്ത്രി നരേന്ദ്ര മോദിയുടെ ക്ഷണപ്രകാരമാണ് പുടിൻ ഇന്ത്യ സന്ദർശിക്കുന്നത്. 

23-ാമത് ഇന്ത്യ - റഷ്യ വാർഷിക ഉച്ചകോടിയിൽ പങ്കെടുക്കുന്നതിനായാണ് പുടിൻ ഇന്ത്യയിലെത്തുന്നത്. ഇരു രാജ്യങ്ങളും തമ്മിലുള്ള തന്ത്രപരമായ പങ്കാളിത്തം കൂടുതൽ ശക്തിപ്പെടുത്തുന്നതിനും, ഉഭയകക്ഷി ബന്ധത്തിലെ പുരോഗതി വിലയിരുത്തുന്നതിനും ഈ സന്ദർശനം ​ഗുണം ചെയ്യുമെന്നാണ് പ്രതീക്ഷ.

കൂടിക്കാഴ്ചകൾ ഇങ്ങനെ

റഷ്യൻ പ്രസിഡന്റ് പുടിനെ രാഷ്ട്രപതി ഭവനിൽ രാഷ്ട്രപതി ദ്രൗപദി മുർമു സ്വീകരിക്കും. തുടർന്ന് അദ്ദേഹത്തിന് വിരുന്ന് നൽകും.

ALSO READ: വധൂവരന്‍മാരെ അനുഗ്രഹിക്കാനെത്തി ബി.ജെ.പി നേതാക്കള്‍; ഫോട്ടോക്ക് പോസ് ചെയ്യുന്നതിനിടെ വേദി തകര്‍ന്ന് താഴേക്ക്

ഇതിനു ശേഷം പ്രധാനമന്ത്രി നരേന്ദ്ര മോദിയുമായി പുടിൻ വിശദമായ ചർച്ചകൾ നടത്തും. അമേരിക്കൻ പ്രസിഡന്‍റ് ഡോണൾഡ് ട്രംപ് ഉയർത്തുന്ന താരീഫ് ഭീഷണികളടക്കം കൂടിക്കാഴ്ചയിൽ ചർച്ചായാകും. കൂടാതെ, ഇരു രാജ്യങ്ങൾക്കും താത്പര്യമുള്ള പ്രാദേശിക-ആഗോള വിഷയങ്ങളും കൂടിക്കാഴ്ചയിൽ ചർച്ചചെയ്യും. റഷ്യ - യുക്രൈൻ സംഘർഷത്തിനു ശേഷമുള്ള പുടിന്‍റെ ആദ്യ ഇന്ത്യാ സന്ദർശനം ഇരുരാജ്യങ്ങൾ തമ്മിലുള്ള ദീർഘകാല ബന്ധം ഊഷ്മളമാക്കാൻ സഹായിക്കുമെന്നാണ് വിലയിരുത്തൽ.

Russian President Vladimir Putin will visit India on December 4-5 at the invitation of Prime Minister Narendra Modi for the 23rd India-Russia Annual Summit. The visit aims to review progress in bilateral relations, strengthen the Special and Privileged Strategic Partnership, and discuss regional and global issues of mutual interest.