തിരുവനന്തപുരം: ഡിറ്റ്‌വാ ചുഴലിക്കാറ്റിന്റെ പശ്ചാത്തലത്തില്‍ തമിഴ്‌നാട്ടിലെ വിവിധ ജില്ലകളില്‍ സ്‌കൂളുകള്‍ക്ക് അവധി പ്രഖ്യാപിച്ചു. ചുഴലിക്കാറ്റിന്റെ സ്വാധീന ഫലമായി സംസ്ഥാനത്തെ വിവിധ ജില്ലകളില്‍ ഓറഞ്ച് അലര്‍ട്ട് പ്രഖ്യാപിച്ചിരിക്കുന്ന സഹാചര്യത്തിലാണ് അവധി പ്രഖ്യാപിച്ചത് .

തീരദേശ ജില്ലകളിലാണ് അതിതീവ്ര മഴ മുന്നറിയിപ്പ്. ബംഗാള്‍ ഉള്‍ക്കടലില്‍ ഡിറ്റ്‌വാ ചുഴലിക്കാറ്റ് ദുര്‍ബലമാകുന്നതായാണ് അറിയിപ്പുള്ളത്. ചെന്നൈയിലെ പ്രൊഫഷണല്‍ കോളജുകളടക്കം എല്ലാ വിദ്യാഭ്യാസ സ്ഥാപനങ്ങള്‍ക്കും അവധി പ്രഖ്യാപിച്ചു. കൂടാതെ, ചെങ്കല്‍പേട്ട്, തിരുവള്ളൂര്‍ ജില്ലകളിലും വിദ്യാഭ്യാസ സ്ഥാപനങ്ങക്ക് അവധിയുണ്ട്.

ALSO READ: കായംകുളത്ത് മാതാപിതാക്കളെ മകൻ വെട്ടി പരുക്കേൽപ്പിച്ചു; മകനെ ബലം പ്രയോഗിച്ച് കീഴടക്കി പൊലിസ്

ഡിറ്റ്‌വാ ചുഴലിക്കാറ്റിന്റെ സ്വാധീന ഫലമായി അതിതീവ്ര മഴ തുടരുമെന്നും വെള്ളപ്പൊക്കമുണ്ടാകാമെന്നുമാണ് മുന്നറിയിപ്പ്. ചുഴലിക്കാറ്റില്‍ തമിഴ്‌നാട്ടില്‍ മാത്രമായി ഇതുവരെ മൂന്ന് പേര്‍ മരിച്ചു. ചുഴലിക്കാറ്റ് തകര്‍ത്തെറിഞ്ഞ ശ്രീലങ്കയില്‍ മരണം 334 ആയി. 370 പേരെ കാണാതാവുകയും ചെയ്തു. രാജ്യത്ത് 12 ലക്ഷം പേരെ ദുരിതം ബാധിച്ചതായാണ് അറിയിപ്പ്.

Several districts in Tamil Nadu have declared holidays for schools due to Cyclone Ditva. Chennai, along with Chengalpattu and Thiruvallur, has closed all educational institutions as the state remains under an orange alert. Heavy to extremely heavy rainfall is expected, especially in coastal regions, with warnings of possible flooding. Though the cyclone is gradually weakening over the Bay of Bengal, its impact continues. Tamil Nadu has reported three deaths so far. In Sri Lanka, the cyclone caused severe destruction, leading to 334 deaths, 370 missing persons, and affecting about 1.2 million people.