കേരളത്തിലെ തലയെടുപ്പുള്ള പണ്ഡിതനും, മുഫ്തിയും, വിവിധ ത്വരീഖത്തുകളുടെ ശൈഖുമായിരുന്നു പാനായിക്കുളം അബ്ദുറഹ്മാൻ മുസ്ലിയാർ. എറണാകുളം ജില്ലയിലെ പാനായിക്കുളത്ത് 1874 ( ഹിജ്റ 1271)ലാണ് ജനനം. വെളിയങ്കോട്ടെ കുട്ട്യാമു മുസ്ലിയാരുടെ പ്രധാന ശിഷ്യനായിരുന്നു. അദ്ദേഹത്തിന്റെ മകളെ വിവാഹം ചെയ്യുക കാരണമാണ് "പുതിയാപ്ല' എന്ന പേരിലറിയപ്പെട്ടത്. 

 അദ്ദേഹത്തിൻറെ അദ്ധ്യക്ഷതയിൽ സമസ്ത അനവധി യോഗങ്ങൾ ചേർന്നിട്ടുണ്ട്. ഉന്നത പണ്ഡിതന്മാരെല്ലാം വളരെ ആദരവോടെയാണ് അദ്ദേഹത്തെ കണ്ടിരുന്നത്. 1961-ൽ കക്കാട്ട് നടന്ന സമസ്തയുടെ 21-ാം സമ്മേളനം പാനായിക്കുളം അബ്ദുറഹ്മാൻ മുസ്ലിയാർ നഗരിയിലായിരുന്നു. 1957-ൽ 83-ാം വയസ്സിലാണ് വഫാത്തായത്. 

 പൊന്നാനി കുണ്ടുകടവ് ജംഗ്ഷനിൽ നിന്ന് പെരുമ്പടപ്പ് റൂട്ടിൽ പുറങ്ങ് ജുമാമസ്ജിദിനു സമീപമാണ് മഖ്ബറ. സൗകര്യങ്ങളും സാമ്പത്തിക സൗകര്യങ്ങളും വേണ്ടത് പോലെ ഇല്ലാതെ പ്രയാസപ്പെടുത്തിയ ഘട്ടത്തിൽ ദീനിന്റെ പ്രചാരണത്തിന് മഹാനവർകൾ അനുഷ്ടിച്ച ത്യാഗങ്ങൾ ഏറെ വിലമതിക്കും.

പുതിയാപ്ല അബ്ദുറഹ്മാൻ മുസ്ലിയാരുടെ ഭാര്യ (കുട്ട്യാമു മുസ്ലിയാരുടെ മൂത്ത മകൾ ഖദീജക്കുട്ടി) വലിയ പണ്ഡിതയായിരുന്നു. ഉയർന്ന കിതാബുകൾ വീട്ടിൽ വെച്ചു സ്ത്രീകൾക്കു ദർസ് നടത്തിയിരുന്നു.  പണ്ഡിത വരേണ്യരായ കെ.കെ സദഖതുല്ല മുസ്ല്യാർ,    കണ്ണിയത്ത് അഹ്മദ് മുസ്ലിയാർ,  ശംസുൽ ഉലമ ഇകെ അബൂബക്കർ മുസ്ലിയാർ തുടങ്ങിയ ഉന്നതരുടെ ഗുരുവാണ് പുതിയാപ്ല അബ്ദുറഹ്മാൻ മുസ്ലിയാർ. ശൈഖുനാ ചാപ്പനങ്ങാടി ബാപ്പു മുസ്ലിയാർ പ്രധാന മുരീദുമായിരുന്നു. 

Archive Note  : Digitized archival content published on Suprabhaatham.com is officially reproduced from the original print publications of Samastha Kerala Jemiyyathul Ulama.This article forms part of the authorized digital preservation of Samastha’s historical records.

Biography of Panayikkulam Abdul Rahman Musliyar, Kerala’s eminent Samastha scholar, spiritual leader, and mentor to many great ulema who shaped Islamic education in Kerala.