ന്യൂഡല്‍ഹി: ലാഡര്‍ ഫൗണ്ടേഷന്‍ ഓഫ് ഇന്ത്യയുടെ ' ആഫ്താബ്2025' ന് ഡല്‍ഹിയില്‍ തുടക്കം. ശൈത്യത്തില്‍ തണുത്തുവിറയ്ക്കുന്ന ഉത്തരേന്ത്യന്‍ ഗ്രാമങ്ങളിലും തെരുവുകളിലും കമ്പിളി പുതപ്പുകള്‍ വിതരണം ചെയ്യുന്ന പദ്ധതിയാണ് ആഫ്താബ്2025. ചടങ്ങിന്റെ ഉദ്ഘാടനം ഖാഇദെ മില്ലത്ത് സെന്ററില്‍ നടന്ന ചടങ്ങില്‍ മുസ്‌ലിം ലീഗ് ദേശീയ ഓര്‍ഗനൈസിങ് സെക്രട്ടറി ഇ. ടി മുഹമ്മദ് ബഷീര്‍ എം.പിയും അഡ്വ. ഹാരിസ് ബീരാന്‍ എം.പിയും ചേര്‍ന്ന് നിര്‍വഹിച്ചു. ഡല്‍ഹി ജുമാമസ്ജിദ്, നിസാമുദ്ദീന്‍ ദര്‍ഗ്ഗ പരിസരം, റെഡ് ഫോര്‍ട്ട്, ഓക്ല ഭാഗങ്ങളിലെ തെരുവോരങ്ങളില്‍ അന്തിയുറങ്ങുന്ന ഭവനരഹിതരായവര്‍ അടക്കം നൂറുക്കണക്കിന് ആളുകള്‍ക്കാണ് കഴിഞ്ഞ ദിവസം പുതപ്പുകള്‍ വിതരണം ചെയ്തത്.

അബ്ദുല്‍ ഹാദി പെരിന്തല്‍മണ്ണ, സാഹില്‍ തൂണേരി നേതൃത്വം നല്‍കി. ഉത്തര്‍ പ്രദേശിലെ ബുഡാനയില്‍ നടന്ന പുതപ്പ് വിതരണത്തിന് മന്ത്‌വാഡ ഗ്രാമപ്രധാന്‍ അബൂ ത്വാഹിറും റഷീദ് മൂര്‍ക്കനാടും നേതൃത്വം നല്‍കി. തുടര്‍ന്നുള്ള ദിവസങ്ങളില്‍ ബിഹാര്‍, ജമ്മുകശ്മിര്‍, ഹരിയാന, ജാര്‍ഖണ്ഡ്, പശ്ചിമബംഗാള്‍ സംസ്ഥാനങ്ങളിലെ ഗ്രാമങ്ങളിലും നഗരവീഥികളിലുമാണ് പുതപ്പുകള്‍ വിതരണം ചെയ്യുക.