പത്തനംതിട്ട: പമ്പയിൽ കെഎസ്ആർടിസി ബസ് കൂട്ടിയിടിച്ച് അപകടം. അപകടത്തിൽ 30ലേറെ ആളുകൾക്ക് പരുക്ക് പറ്റി. ചക്കുപാലത്തിനു അടുത്താണ് അപകടം നടന്നത്. സംഭവത്തിൽ കെഎസ്ആർടിസി ബസിന്റെ ഒരു ഭാഗം പൂർണമായും തകർന്നു. പരുക്കേറ്റ ആളുകളെ കോട്ടയത്തെ മെഡിക്കൽ കോളേജിൽ പ്രവേശിപ്പിച്ചു. ഒമ്പത് പേരെയാണ് മെഡിക്കൽ കോളേജിൽ പ്രവേശിപ്പിച്ചത്.

പരുക്കേറ്റ ബാക്കിയുള്ള ആളുകളെ പമ്പയിലും നിലക്കലിലുമുള്ള ആശുപത്രികളിൽ പ്രവേശിപ്പിച്ചു. ചെങ്ങന്നൂരിൽ നിന്നും പമ്പയിലേക്ക് പോയ കെഎസ്ആർടിസി ബസും നിലക്കലിലേക്ക് വന്ന ബസുമാണ് അപകടത്തിൽ പെട്ടത്. ഒരു ബസിൽ 48 ആളുകളും അടുത്ത ബസിൽ 45 ആളുകളുമാണ് ഉണ്ടായിരുന്നത്.