താമരശേരി: കട്ടിപ്പാറയില്‍ വിവാദമായ ഫ്രഷ്‌കട്ട് കോഴിയറവ് മാലിന്യ സംസ്‌കരണ പ്ലാന്റ് സമരത്തില്‍ പ്രതിയായി ഒളിവില്‍ പോയി ഒടുവില്‍ തെരഞ്ഞെടുപ്പില്‍ മത്സരിച്ച സൈനുല്‍ ആബിദീന് വിജയം. ഒരു ദിവസം പോലും തെരഞ്ഞെടുപ്പിനെത്താതെയാണ് സൈനുല്‍ അബിദീന്‍ എന്ന ബാബു കുടുക്കില്‍ വിജയിച്ചത്. താമരശേരി പഞ്ചായത്തിലെ 11ാം വാര്‍ഡിലെ മുസ് ലിം ലീഗിന്റെ ഔദ്യോഗിക സ്ഥാനാര്‍ഥിയായിരുന്നു ബാബു.

ബാബുവിന്റെ പേരില്‍ പൊലിസ് ലുക്ക് ഔട്ട് നോട്ടിസ് പുറപ്പെടുവിച്ചിരുന്നു. ബാബുവിന് വേണ്ടി നോമിനേഷന്‍ നല്‍കാന്‍ സഹായിച്ചതിന്റെ പേരില്‍ പ്രാദേശിക മുസ്ലിം ലീഗ് നേതാവിനെ പൊലിസ് കസ്റ്റഡിയില്‍ എടുത്തത് ഏറെ വിവാദങ്ങള്‍ക്ക് വഴിവച്ചിരുന്നു. 

ഒളിവില്‍പോയ ബാബു കരിങ്ങമണ്ണ വാര്‍ഡില്‍ നാമനിര്‍ദേശ പത്രിക സമര്‍പ്പിക്കാനെത്തുകയും പത്രിക സമര്‍പ്പണത്തിനിന് ശേഷം വീണ്ടും ഒളിവില്‍ പോവുകയായിരുന്നു.  സ്ഥാനാര്‍ഥിയുടെ അഭാവത്തിലും ഇവിടെ 76.5 ശതമാനം പോളിങ് രേഖപ്പെടുത്തിയിരുന്നു.