കണ്ണൂര്‍: കെപിസിസി പ്രസിഡന്റ് സണ്ണി ജോസഫിന്റെ വാര്‍ഡില്‍ ആദ്യമായി വിജയം നേടി യുഡിഎഫ്. പായം പഞ്ചായത്ത് താന്തോട് വാര്‍ഡില്‍ എംപി ഹരിതയാണ് എല്‍ഡിഎഫിനെ മലര്‍ത്തിയടിച്ച് തിളക്കമാര്‍ന്ന വിജയം നേടിയത്. 

അധ്യാപികയായ ഹരിതയുടെ ആദ്യ തിരഞ്ഞെടുപ്പാണിത്. കന്നി അങ്കത്തില്‍ 425 വോട്ടിനാണ് ഹരിത ജയിച്ച് കയറിയത്. എതിര്‍ സ്ഥാനാര്‍ഥി എല്‍ഡിഎഫിന്റെ കെ സന്ധ്യക്ക് 412 വോട്ടാണ് ലഭിച്ചത്. 

പഞ്ചായത്ത് രൂപീകരിച്ചതിന് ശേഷം ഒറ്റത്തവണ മാത്രമാണ് യുഡിഎഫ് ഭരണത്തിലേറിയത്. 2020ലെ തെരഞ്ഞെടുപ്പില്‍ ആകെയുള്ള 18 വാര്‍ഡില്‍ എല്‍ഡിഎഫ് 16 സീറ്റിലും, യുഡിഎഫ് 2 വാര്‍ഡിലുമാണ് ജയിച്ചത്.

ALSO READ: നിയമസഭാ തെരഞ്ഞെടുപ്പിന്റെ ട്രയല്‍ റണ്ണില്‍ ബഹുദൂരം കുതിച്ച് യു.ഡി.എഫ്; പ്രകടമായത് ഭരണവിരുദ്ധവികാരം 

അതേസമയം കണ്ണൂരിൽ യുഡിഎഫും എൽഡിഎഫും കനത്ത പോരാട്ടത്തിലാണ്. നിരവധി പഞ്ചായത്തുകൾ എൽഡിഎഫിൽ നിന്ന് യുഡിഎഫ് പിടിച്ചെടുത്തിട്ടുണ്ട്. 

udf made a first-time breakthrough in sunny joseph’s ward, while mp haritha scored a decisive win against the ldf in payam panchayat.