ഡൽഹി: ശബരിമല സ്വർണക്കൊള്ള കേസ് പാർലമെന്റിൽ ചർച്ചയാക്കാൻ യുഡിഎഫ്. ഈ വിഷയം ഉയർത്തിക്കാട്ടി യുഡിഎഫ് എംപിമാർ ഇന്ന് പാർലമെന്റിൽ പ്രതിഷേധം നടത്തും. ആന്റോ ആന്റണി എംപിയുടെ നേതൃത്വത്തിലാണ് പ്രതിക്ഷേധം നടത്തുക. കോടതിയുടെ മേൽനോട്ടത്തിൽ കേന്ദ്ര ഏജൻസിയുടെ അന്വേഷണം വേണമെന്ന് ആവശ്യപ്പെട്ടാണ് പ്രതിഷേധം നടത്തുന്നതെന്നാണ് ആന്റോ ആന്റണി വ്യക്തമാക്കിയത്. അന്വേഷണത്തിൽ പല തടസങ്ങളും നേരിടുന്നുണ്ടെന്നും അതുകൊണ്ട് തന്നെ സമഗ്രമായ അന്വേഷണം വേണമെന്നും മഞ്ഞുമലയുടെ ഒരറ്റം മാത്രമാണ് ഇപ്പോൾ പുറത്തുവന്നിട്ടുള്ളതെന്നും ആന്റോ ആന്റണി പറഞ്ഞു.

തദ്ദേശ തെരഞ്ഞെടുപ്പ് ഫലം പുറത്തുവന്നതിന് പിന്നാലെയാണ് യുഡിഎഫിന്റെ ഈ നീക്കം. നേരത്തെ തന്നെ കെസി വേണുഗോപാൽ, ഹൈബി ഈഡൻ എന്നിവർ ഈ വിഷയം ലോക്സഭയിൽ ഉന്നയിച്ചിരുന്നു.