കാക്കനാട്: തൃക്കാക്കര നഗരസഭയുടെ ബസ് സ്റ്റാന്റ് പരിസരത്ത് കക്കൂസ് മാലിന്യം തള്ളി. ദിവസേന നിരവധി യാത്രക്കാര്‍ വന്നുപോകുന്ന ഇവിടെ രാത്രിയിലാണ് മാലിന്യം തള്ളിയിരിക്കുന്നത്.
പ്രതിപക്ഷ നേതാവ് അഡ്വ.സലിമിന്റെ നേതൃത്വത്തില്‍ കൗണ്‍സിലര്‍മാരായ പി.എം യൂസഫ്, ടി.ടി ബാബു എന്നിവര്‍ സ്ഥലം സന്ദര്‍ശിച്ച് നിര്‍ദേശം നല്‍കിയതിനേ തുടര്‍ന്ന് ആരോഗ്യ വിഭാഗം ജീവനക്കാരെത്തി മാലിന്യം നീക്കം ചെയ്ത് വൃത്തിയാക്കി.
കൂടാതെ നഗരസഭ പരിസരത്തു രാത്രികാലങ്ങള്‍ സെക്യൂരിറ്റി സംവിധാനം ഏര്‍പ്പെടുത്താനും തീരുമാനിച്ചിട്ടുണ്ട്.