നെടുമങ്ങാട്: കേരള സര്‍ക്കാരും നഗരസഭയും സംയുക്തമായി ഒരുക്കുന്ന വര്‍ണാഭമായ ഓണാഘോഷ പരിപാടികള്‍ക്ക് ഇന്ന് തുടക്കം.
രാവിലെ പത്ത് മുതല്‍ ടൗണ്‍ എല്‍.പി സ്‌കൂളില്‍ അത്തപ്പൂക്കള മത്സരം. 13ന് വൈകീട്ട് നാലിന് വിളംബരജാഥ, അഞ്ചിന് സി.ദിവാകരന്‍ എം.എല്‍.എ പരിപാടികള്‍ ഉദ്ഘാടനം ചെയ്യും. നഗരസഭ ചെയര്‍മാന്‍ ചെറ്റച്ചല്‍ സഹദേവന്‍ അധ്യക്ഷത വഹിക്കും.
മുനിസിപ്പല്‍ പാര്‍ക്കിങ് ഗ്രൗണ്ടിലാണ് പരിപാടികള്‍ നടക്കുക. 5.30മുതല്‍ കളരിപ്പയറ്റ്, 6.30ന് ഗാനമേള. 14ന് വൈകിട്ട് 5.30ന് കളരിപ്പയറ്റ്, 6.30ന് കെ.പി.എ.സിയുടെ ഗാനമേള.15ന് വൈകിട്ട് 4.30മുതല്‍ ചെണ്ടമേളം, 5.30ന് കളരിപ്പയറ്റ്, 6.30ന് ഗാനമേള. 16ന് വൈകിട്ട് 6.30ന് നാടന്‍ പാട്ട്, 8.30ന് കഥാപ്രസംഗം.17ന് വൈകിട്ട് 5.30ന് ക്ലാസിക്കല്‍ ഡാന്‍സ്, 6.30ന് കഥാപ്രസംഗം. 18ന് വൈകിട്ട് 6.30ന് മെഗാഷോ എന്നിവ ഉണ്ടായിരിക്കുമെന്ന് സി.ദിവാകരന്‍ എം.എല്‍.എ, നഗരസഭ ചെയര്‍മാന്‍ ചെറ്റച്ചല്‍ സഹദേവന്‍, എ.ഡി.എം ജോണ്‍ സാമുവല്‍ എന്നിവര്‍ അറിയിച്ചു.