ദോഹ ഖത്തർ: സമസ്ത കേരള ജംഇയ്യത്തുല്‍ ഉലമ നൂറാം വാര്‍ഷിക അന്താരാഷ്ട്ര മഹാ സമ്മേളനത്തിന്റെ പ്രചരാർത്ഥം ഖത്തര്‍ കേരള ഇസ്‌ലാമിക് സെൻ്റർ നടത്തുന്ന  സാംസ്‌കാരിക സമ്മളനം ജനുവരി ഒമ്പത് വെള്ളിയാഴ്ച നടക്കും. ദോഹയിലെ  അൽ വുഖൈർ നോബിള്‍ ഇന്റര്‍നാഷണല്‍ സ്‌കൂളില്‍ വെച്ച് നടക്കുന്ന സംഗമത്തിൽ സമസ്ത കേരള ജംഇയ്യത്തുല്‍ ഉലമ പ്രസിഡന്റ്  സയ്യിദ് മുഹമ്മദ് ജിഫ്രി മുത്തുക്കോയ തങ്ങള്‍,എസ്.കെ.എസ്.എസ്.എഫ് സംസ്ഥാന പ്രസിഡന്റ് പാണക്കാട് സയ്യിദ് ഹമീദ് അലി ശിഹാബ് തങ്ങള്‍ എന്നിവര്‍ മുഖ്യാതിഥികളായി പങ്കെടുക്കും. ശുഹൈബുല്‍ ഹൈതമി വാരാമ്പറ്റ, മുസ്തഫ ഹുദവി ആക്കോട് എന്നിവര്‍ മുഖ്യ പ്രഭാഷണം നിര്‍വ്വഹിക്കും. 

ഖത്തറിലെ വിവിത മത സാമൂഹിക സാംസ്കാരിക മേഖലകളിലെ നേതാക്കന്മാർ പങ്കെടുക്കുന്ന സമ്മേളനത്തിൽ ഇശൽ വിരുന്നും ഖത്തർ കേരള ഇസ്ലാമിക് സെൻറർ മദ്രസ വിദ്യാർത്ഥികളുടെ കലാ പരിപാടികളും  അരങ്ങേറും.

സമ്മേളനത്തിനായി വന്‍ സജ്ജീകരണങ്ങളാണ് നടന്ന് കൊണ്ടിരിക്കുന്നതെന്ന് ഖത്തര്‍ കേരള ഇസ്ലാമിക് സെന്റര്‍, ഖത്തര്‍ എസ്.കെ.എസ്.എസ്.എഫ് ഭാരവാഹികൾ അറിയിച്ചു.