കോട്ടയം: പൂഞ്ഞാർ മലയിഞ്ചിപ്പാറ സെന്റ് ജോസഫ്‌ യുപി സ്‌കൂളിലെ വിദ്യാർഥികളെ ശാരീരിക അസ്വസ്ഥതകളെത്തുടർന്ന് ആശുപത്രിയിൽ പ്രവേശിപ്പിച്ചു. ഭക്ഷ്യവിഷബാധയാണെന്നാണ് പ്രാഥമിക നിഗമനം. ഛർദ്ദിലും മറ്റ് അസ്വസ്ഥതകളും അനുഭവപ്പെട്ട കുട്ടികളെ പൂഞ്ഞാർ പ്രാഥമിക ആരോഗ്യ കേന്ദ്രത്തിലും പാലാ ജനറൽ ആശുപത്രിയിലുമായി പ്രവേശിപ്പിച്ചു.

ALSO READ: പാസ്‌പോർട്ട് വെരിഫിക്കേഷനെത്തിയ യുവതിയെ കടന്നുപിടിച്ചു; പൊലിസുകാരന് സസ്പെൻഷൻ

കഴിഞ്ഞ ദിവസം സ്‌കൂളിൽ കുട്ടികൾക്ക് വിരഗുളിക നൽകിയിരുന്നു. ഇതിന്റെ പാർശ്വഫലമാണോ അസ്വസ്ഥതയ്ക്ക് കാരണമെന്ന് അധികൃതർ പരിശോധിക്കുന്നുണ്ട്. അതേസമയം സ്കൂളിൽ നിന്ന് ഉച്ചഭക്ഷണത്തോടൊപ്പം നൽകിയ മോരും സംശയത്തിന്റെ നിഴലിലാണ്. ഭക്ഷണത്തിൽ നിന്നാണോ അതോ ഗുളികയിൽ നിന്നാണോ പ്രശ്നമുണ്ടായതെന്ന് ആരോഗ്യവകുപ്പ് സ്ഥിരീകരിച്ചിട്ടില്ല.

ALSO READ: ആർത്തവം പരിശോധിക്കാൻ വസ്ത്രം ഊരി നോക്കണോ? എൻ.എസ്.എസ് ക്യാമ്പിനിടെ വിദ്യാർഥിനികൾക്ക് നേരെ കോളേജ് അധ്യാപകരുടെ അശ്ലീല പരാമർശം; പരാതിയുമായി 14 പെൺകുട്ടികൾ

നിലവിൽ കുട്ടികളുടെ ആരോഗ്യനില തൃപ്തികരമാണെന്നാണ് റിപ്പോർട്ടുകൾ. ആരോഗ്യവകുപ്പ് ഉദ്യോഗസ്ഥർ സ്‌കൂളിലെത്തി സാമ്പിളുകൾ ശേഖരിക്കുകയും അന്വേഷണം ആരംഭിക്കുകയും ചെയ്തിട്ടുണ്ട്.

In January 2026, around 24 students from St. Joseph UP School in Malayinchippara, Poonjar, were hospitalized following symptoms of physical discomfort and vomiting. The incident occurred shortly after the students had their midday meal, specifically after consuming buttermilk (mooru). However, authorities are also investigating whether the symptoms were a side effect of deworming tablets that were distributed at the school the previous day.