കൊച്ചി: ഫോര്‍ട്ട് കൊച്ചിയില്‍ നിന്നു വെള്ളിയാഴ്ച മുതല്‍ കാണാതായ യുവാവിന്റെ മൃതദേഹം കുമ്പളങ്ങി കായലില്‍ നിന്നു കണ്ടെത്തി. ഫോര്‍ട്ട്‌കൊച്ചി അമരാവതി കുലയാത്ത് തോമസ് ജോസിയുടെ മകന്‍ സ്റ്റീവോ തോമസ് (22) ആണ് മരിച്ചത്. മൃതദേഹം കുമ്പളങ്ങി പഴയ പോസ്റ്റോഫീസിന് കിഴക്കു ഭാഗത്തുള്ള കായലില്‍ നിന്നാണു കണ്ടെത്തിയിരിക്കുന്നത്.

കഴിഞ്ഞ വെള്ളിയാഴ്ച രാത്രി വീട്ടില്‍ നിന്നു ഇറങ്ങി പോയതാണെന്നും പിന്നീട് തിരിച്ചുവന്നില്ലെന്നും കാണിച്ച് ബന്ധുക്കള്‍ പൊലിസില്‍ പരാതി നല്‍കിയിരുന്നു. പിന്നാലെയാണ് മൃതദേഹം കായലില്‍ നിന്നു കിട്ടിയത്. കായലില്‍ ഒഴുകിനടന്ന മൃതദേഹം മുന്‍ പഞ്ചായത്തംഗം ആന്റണി പെരുംമ്പിള്ളിയും കുഞ്ഞുമോന്‍ കരിപ്പോട്ടും ചേര്‍ന്ന് പൊക്കിയെടുത്ത് കരയ്‌ക്കെത്തിക്കുകയായിരുന്നു. സ്റ്റീവോയുടെ അമ്മ: സിബിള്‍. സഹോദരന്‍: സ്റ്റീവന്‍.

 ALSO READ: സംസ്ഥാനത്ത് കോഴിയിറച്ചിയുടെ വില കുതിച്ചുയരുന്നു; ഉപഭോക്താക്കള്‍ പ്രതിസന്ധിയില്‍

The body of a 22-year-old man who had gone missing from Fort Kochi was found in the Kumbalangi backwaters. The deceased has been identified as Steevo Thomas, son of Thomas Josy of Amaravathi, Fort Kochi. He had left home on Friday night and did not return, prompting his family to file a missing complaint with the police. His body was later spotted floating in the backwaters east of the old Kumbalangi post office and was retrieved by local residents. Police have begun further procedures, and an investigation is underway to determine the circumstances surrounding his death.