വിജയ് ഹസാരെ ട്രോഫിയിൽ ചരിത്രം കുറിച്ച് ദേവദത്ത് പടിക്കൽ. ഈ സീസണിൽ കർണാടകക്കായി സ്ഥിരതയാർന്ന പ്രകടനം നടത്തുന്ന പടിക്കൽ ഇതിനോടകം തന്നെ 600ലധികം റൺസ് അടിച്ചുകൂട്ടിയിട്ടുണ്ട്. വിജയ് ഹസാരെ ട്രോഫിയുടെ മൂന്ന് വ്യത്യസ്ത പതിപ്പുകളിൽ 600+ റൺസ് നേടുന്ന ആദ്യ താരമായാണ് പടിക്കൽ റെക്കോർഡിട്ടത്.

ഇതിനു മുമ്പ് 2019-20 സീസണിലും 2020–21 സീസണിലും ആണ് പടിക്കൽ 600 റൺസ് കടന്നത്. 2019 സീസണിൽ 11 മത്സരങ്ങളിൽ നിന്നും 609 റൺസാണ് പടിക്കൽ അടിച്ചെടുത്തത്. തൊട്ടടുത്ത സീസണിൽ ഏഴ് ഇന്നിങ്സിൽ നിന്നും 737 റൺസും പടിക്കൽ സ്വന്തമാക്കി. 147.40 അവിശ്വസനീയ ശരാശരിയിൽ നാല് സെഞ്ച്വറികളാണ് താരം നേടിയത്. 

രാജസ്ഥാനെതിരെയുള്ള മത്സരത്തിലെ മികച്ച പ്രകടനത്തിന് പിന്നാലെയാണ് പടിക്കൽ 600 റൺസ് കടന്നത്. രാജസ്ഥാനെതിരെ 82 പന്തിൽ 91 റൺസാണ് താരം അടിച്ചെടുത്തത്. 12 ഫോറുകളും രണ്ട് സിക്സുകളും ആണ് പടിക്കൽ നേടിയത്. മത്സരത്തിൽ ക്യാപ്റ്റൻ മായങ്ക് അഗർവാളിനൊപ്പം മികച്ച കൂട്ടുകെട്ട് സൃഷ്ടിക്കാനും പടിക്കലിന് സാധിച്ചു. 

Devadatt Padikkal creates history in Vijay Hazare Trophy. Padikkal, who has been performing consistently for Karnataka this season, has already scored more than 600 runs. Padikkal has set a record by becoming the first player to score 600+ runs in three different editions of the Vijay Hazare Trophy. Earlier, Padikkal crossed 600 runs in the 2019-20 season and the 2020-21 season.