ഡൽഹി: രാജ്യത്ത് ഒമ്പത് റൂട്ടുകളിൽ പുതിയ അമൃത് ഭാരത് എക്സ്പ്രസ് ട്രെയിനുകൾ പ്രഖ്യാപിച്ച് ഇന്ത്യൻ റെയിൽവേ. മന്ത്രി അശ്വനി വൈഷ്ണവാണ് പ്രഖ്യാപനം നടത്തിയത്.   തെരഞ്ഞെടുപ്പ് നടക്കുന്ന പശ്ചിമ ബംഗാളിനാണ് കൂടുതൽ പരിഗണന. ഏഴ് സർവീസുകളാണ് അനുവദിക്കുന്നത്. ബംഗാളിൽ നിന്നും നാഗർകോവിൽ, തിരുച്ചിറപ്പള്ളി ബെംഗളൂരു, മുംബൈ, താംബരം, ബനാറസ്, ഡൽഹി എന്നീ സ്ഥലങ്ങളിലേക്കാണ് സർവീസുകൾ. കേരളത്തിൽ ഒരു ട്രെയിൻ പോലും പ്രഖ്യാപിച്ചില്ല.

അസമിൽ രണ്ട് സർവീസുകൾ അനുവദിച്ചു. അസമിലെ ഗുഹത്തിയിൽ നിന്നും റോഹ്തക്, ലഖ്നൗ എന്നിവിടങ്ങളിലേക്കും സർവീസുകൾ ഉണ്ട്. അസം ബീഹാർ പശ്ചിമബംഗാൾ എന്നീ സംസ്ഥാനങ്ങളിൽ നിന്നുള്ള ദീർഘദൂര യാത്രക്കാരുടെയും തൊഴിലാളികളുടെയും തിരക്ക് പരിഗണിച്ചാണ് ഈ പുതിയ റൂട്ടുകൾ നിശ്ചയിച്ചിരുന്നത്. 

അമൃത് ഭാരത് എക്സ്പ്രസ് പ്രഖ്യാപിച്ച റൂട്ടുകൾ

ബംഗാൾ-ഡൽഹി

ബംഗാൾ-യുപി 

അസം-ഹരിയാന 

അസം-യുപി 

ബംഗാൾ-തമിഴ്നാട്

ബംഗാൾ-നാഗർകോവിൽ

ബംഗാൾ-കർണാടക 

ബംഗാൾ-മുംബൈ 

കൊൽക്കത്ത താംബരം

കൊൽക്കത്ത-ഡൽഹി

കൊൽക്കത്ത-ബനാറസ്