ന്യൂസിലാൻഡിനെതിരായ ടി-20 പരമ്പരക്ക് മുന്നോടിയായി ഇന്ത്യക്ക് കനത്ത തിരിച്ചടി. സ്റ്റാർ ഓൾ റൗണ്ടർ വാഷിംഗ്ടൺ സുന്ദറിന്റെ പരുക്കാണ് ഇന്ത്യക്ക് തലവേദനയാവുന്നത്. കിവീസിനെതിരായ ടി-20 പരമ്പര പൂർണമായും താരത്തിന് നഷ്ടമാവുമെന്നാണ് റിപ്പോർട്ട്.

വഡോദരയിൽ നടന്ന ആദ്യ മത്സരത്തിൽ വാഷിംഗ്ടൺ സുന്ദറിന് ഇടുപ്പിനാണ് പരുക്കേറ്റത്. അഞ്ച് ഓവർ പന്തെറിഞ്ഞതിന് പിന്നാലെ അസ്വസ്ഥത പ്രകടിപ്പിച്ച താരം ഫീൽഡിംഗിനിടെ ഗ്രൗണ്ട് വിടുകയായിരുന്നു. താരം രണ്ടാം മത്സരത്തിൽ കളിച്ചിരുന്നില്ല. താരത്തിന് പരുക്ക് ടി-20 ലോകകപ്പിനൊരുങ്ങുന്ന ഇന്ത്യക്കും വലിയ വെല്ലുവിളിയായിരിക്കും ഉണ്ടാക്കുക. 

അതേസമയം തിലക് വർമ്മയും പരുക്കേറ്റ് കിവീസിനെതിരായ ടി-20 പരമ്പരയിൽ നിന്നും പുറത്തായിരുന്നു. വിജയ് ഹസാരെ ട്രോഫിയിൽ ഹൈദെരാബാദിനായി കളിക്കുമ്പോൾ ആണ് തിലകിന് പരുക്ക് പറ്റിയത്. അടിവയറ്റിൽ വേദന ഉണ്ടായതിന് പിന്നാലെ താരത്തെ ആശുപത്രിയിൽ പ്രവേശിപ്പിക്കുകയും സ്കാനിങ്ങിന് വിധേയനാക്കുകയും ആയിരുന്നു. തിലക് വീണ്ടും കളത്തിലേക്ക് തിരിച്ചെത്താൻ മൂന്നോ നാലോ ആഴ്ച സമയമെടുക്കുമെന്നാണ് റിപ്പോർട്ട്.

ഫെബ്രുവരിയിൽ ആരംഭിക്കുന്ന ടി-20 ലോകകപ്പിൽ ഇരുതാരങ്ങളുടെയും പരുക്ക് ഇന്ത്യക്ക് വമ്പൻ തിരിച്ചടിയാണ്. ഫെബ്രുവരി എട്ടിന് അമേരിക്കക്കെതിരെയാണ് ഇന്ത്യയുടെ ആദ്യ മത്സരം. 

2026 ടി-20 ലോകകപ്പിനുള്ള ഇന്ത്യൻ ടീം

സൂര്യകുമാർ യാദവ് (ക്യാപ്റ്റൻ), അഭിഷേക് ശർമ്മ, തിലക് വർമ്മ, ഹാർദിക് പാണ്ഡ്യ, ശിവം ദുബെ, അക്സർ പട്ടേൽ (വൈസ് ക്യാപ്റ്റൻ), ജസ്പ്രീത് ബുംറ, അർഷ്ദീപ് സിംഗ്, വരുൺ ചക്രവർത്തി, കുൽദീപ് യാദവ്, ഹർഷിത് റാണ, സഞ്ജു സാംസൺ (വിക്കറ്റ് കീപ്പർ), വാഷിംഗ്ടൺ സുന്ദർ, ഇഷാൻ കിഷൻ, റിങ്കു സിംഗ്.

India has suffered a major setback ahead of the T20 series against New Zealand. Star all-rounder Washington Sundar is facing a headache due to an injury. It is reported that the player will miss the entire T20 series against the Kiwis. Washington Sundar injured his hip in the first match played in Vadodara.