കൊച്ചി: കെ.എ ഫ്രാന്‍സിസിന്റെ ഓണപ്പച്ച ചിത്ര പ്രദര്‍ശനം ഈ ഓണക്കാലത്ത് എറണാകുളത്ത് നടത്തും. ഡര്‍ബാര്‍ ഹാളില്‍ 13ന് തുടങ്ങുന്ന പ്രദര്‍ശനം 18 വരെയുണ്ടാകും.
ഇക്കഴിഞ്ഞ വര്‍ഷത്തെ കേരള ലളിതകല അക്കാദമിയുടെ സമഗ്ര സംഭാവനയ്ക്കുള്ള ലളിതകലാ പുരസ്‌കാരവും കേരള സാഹിത്യ അക്കാദമിയുടെ ഏറ്റവും നല്ല സഞ്ചാര സാഹിത്യത്തിനുള്ള അവാര്‍ഡും ഫ്രാന്‍സിസിനായിരുന്നു.
കേരള ലളിതകല അക്കാദമിയുടെയും കേരള ചിത്രകല പരിഷത്തിന്റെയും അധ്യക്ഷനായിരുന്ന അദ്ദേഹം വെനിസ്, ഫ്‌ളോറന്‍സ് ബിനാലെകള്‍ സന്ദര്‍ശിച്ചിരുന്നു.
താന്ത്രിക് ചിത്രകലയില്‍ ഹരിദ്വാറില്‍ പഠനം നടത്തിയ ഇദ്ദേഹത്തിന്റെ പ്രശസ്തമായ വിഷ്ണുപാദവും ലക്ഷ്മിപാദവും മറ്റു പെയിന്റിങ്ങുകളോടൊപ്പം പ്രദര്‍ശനത്തിനുണ്ടാകും.