തിരുവനന്തപുരം: തിരുവനന്തപുരം നാവായികുളത്ത് ടൂറിസ്റ്റ് ബസ് മറിഞ്ഞ് 17 വിദ്യാർഥികൾക്ക് പരുക്ക്. തൃശ്ശൂർ കൊടകര സഹൃദയ എൻജിനീയറിങ് കോളേജിലെ വിദ്യാർഥികളാണ് അപകടത്തിൽപ്പെട്ടത്. പഠനാവശ്യത്തിനുവേണ്ടി വിഴിഞ്ഞം തുറമുഖം സഞ്ചരിച്ചു മടങ്ങുന്ന വഴിയായിരുന്നു അപകടം.

43 വിദ്യാർഥികൾ ആണ് ബസ്സിൽ ഉണ്ടായിരുന്നത്.  പരുക്കേറ്റവരിൽ രണ്ട് വിദ്യാർഥികളുടെ നില ഗുരുതരമാണ്. പരുക്കേറ്റവരെ കൊല്ലത്തെ സ്വകാര്യ ആശുപത്രിയിലേക്ക് മാറ്റി. ഡ്രൈവർ ഉറങ്ങിപ്പോയതാണ് അപകടത്തിന് കാരണമായതെന്നാണ് വിലയിരുത്തൽ.