കോഴിക്കോട്: ബേപ്പൂര്‍ നിയമസഭാ മണ്ഡലത്തില്‍ നിന്ന് മത്സരിക്കാനൊരുങ്ങി പി.വി അന്‍വര്‍. മണ്ഡലത്തില്‍ അനൗപചാരിക പ്രചാരണം തുടങ്ങിയതായാണ് സൂചന. ബേപ്പൂരിലെ നേതാക്കളെയും സമുദായ നേതാക്കളെയും അന്‍വര്‍ സന്ദര്‍ശിച്ചു. 

ബേപ്പൂര്‍ സീറ്റ് അന്‍വറിന് തന്നെ നല്‍കാനാണ് യു.ഡി.എഫിലെ പ്രാഥമിക ധാരണ. സീറ്റിന്റെ കാര്യത്തില്‍ നേരത്തെ തന്നെ അന്‍വര്‍ തന്റ് നിലപാട് വ്യക്തമാക്കിയിട്ടുണ്ട്. കോണ്‍ഗ്രസ് നേരിട്ട് മത്സരിക്കുന്ന ബേപ്പൂര്‍ അന്‍വറിന് വിട്ടുകൊടുക്കുന്നതില്‍ മുന്നണിയിലോ പാര്‍ട്ടിയിലോ കാര്യമായ എതിര്‍പ്പില്ലെന്നാണ് സൂചന. 

ALSO READ: രാജ്യാന്തര വിപണിയില്‍ കുറഞ്ഞിട്ടും കേരളത്തില്‍ ഇന്നും കൂടി; വീണ്ടും റെക്കോര്‍ഡ് ഭേദിക്കുമോ സ്വര്‍ണവില ?

28747 വോട്ടിന്റെ ഭൂരിപക്ഷത്തിലാണ് എല്‍.ഡി.എഫ് സ്ഥാനാര്‍ഥിയായ മുഹമ്മദ് റിയാസ് കഴിഞ്ഞ തെരഞ്ഞെടുപ്പില്‍ മണ്ഡലത്തില്‍ നിന്ന് ജയിച്ചുകയറിയത്. 

കഴിഞ്ഞ മാസമാണ് അന്‍വറിന്റെ തൃണമൂല്‍ കോണ്‍ഗ്രസിനെ യു.ഡി.എഫിലെ അസോസിയേറ്റ് അംഗമാക്കിയത്. മൂന്ന് സീറ്റുകളാണ് നിലവില്‍ അന്‍വര്‍ യു.ഡി.എഫിനോട് ആവശ്യപ്പെട്ടിട്ടുള്ളത്. സജി മഞ്ഞക്കടമ്പന് വേണ്ടി പൂഞ്ഞാറും നിസാര്‍ മേത്തറഇന് വേണ്ടി തൃക്കരിപ്പൂരുമാണ് ചോദിച്ചത്. ഇതിന്റെ കാര്യത്തില്‍ യു.ഡി.എഫ് ഇതുവരെ ഉറപ്പൊന്നും നല്‍കിയിട്ടില്ല. 

PV Anvar is set to contest as the United Democratic Front (UDF) candidate from the Beypore constituency, with unofficial campaign activities already underway in the area. Sources indicate that Anvar has begun groundwork-level outreach and discussions with local leaders and supporters, signalling his intent to enter the electoral fray under the UDF banner.