മനാമ: ബഹ്‌റൈനില്‍ പരസ്യങ്ങളെ നിയന്ത്രിക്കുന്ന പുതിയ നിയമത്തെ കുറിച്ച് നിയമസഭയില്‍ വീണ്ടും വോട്ടെടുപ്പ് നടത്താന്‍ തീരുമാനമായി. നിയമത്തിന്റെ മുന്‍വാക്യത്തില്‍ (പ്രിയാമ്പിള്‍) മാറ്റങ്ങള്‍ ആവശ്യമായതിനാലാണ് വിഷയം വീണ്ടും സഭയുടെ പരിഗണനയ്ക്ക് എത്തിയത്.

താഴ്ന്ന സഭ ആദ്യം അംഗീകരിച്ച പ്രിയാമ്പിളില്‍ പ്രിന്റ്, പ്രസ്സ് മേഖലകളെ മാത്രമാണ് ഉള്‍പ്പെടുത്തിയിരുന്നത്. എന്നാല്‍ ഇന്നത്തെ സാഹചര്യത്തില്‍ ഡിജിറ്റല്‍ മാധ്യമങ്ങളും പരസ്യ മേഖലയുടെ ഭാഗമാണെന്ന് ഷൂറ കൗണ്‍സില്‍ ചൂണ്ടിക്കാട്ടി. ഇതോടെയാണ് പ്രിയാമ്പിള്‍ തിരുത്തി വീണ്ടും വോട്ടെടുപ്പിന് വെക്കാന്‍ തീരുമാനിച്ചത്.

ALSO READ: ബഹ്‌റൈനില്‍ പുതിയ സാമ്പത്തിക നടപടികള്‍; ഇന്ധന വിലയും നികുതിയും ഉയരുന്നു

പുതിയ നിയമം പ്രാബല്യത്തില്‍ വന്നാല്‍, പരസ്യങ്ങള്‍ പ്രചരിപ്പിക്കുന്നതിന് മുമ്പ് ബന്ധപ്പെട്ട വകുപ്പുകളുടെ അനുമതി ആവശ്യമായിരിക്കും. നിയമം ലംഘിക്കുന്ന പരസ്യങ്ങള്‍ക്ക് പിഴയും മറ്റ് നിയമ നടപടികളും ഉണ്ടാകുമെന്നാണ് ബില്ലില്‍ വ്യക്തമാക്കുന്നത്.

പരസ്യ മേഖലയില്‍ കൂടുതല്‍ വ്യക്തത കൊണ്ടുവരികയും, പരമ്പരാഗത മാധ്യമങ്ങള്‍ക്കും ഡിജിറ്റല്‍ മാധ്യമങ്ങള്‍ക്കും ഒരേ രീതിയിലുള്ള ചട്ടങ്ങള്‍ ബാധകമാക്കുകയുമാണ് നിയമത്തിന്റെ ലക്ഷ്യം. നിയമസഭയില്‍ അന്തിമ അംഗീകാരം ലഭിച്ച ശേഷം നിയമം പ്രാബല്യത്തില്‍ വരുന്നതായിരിക്കും.

Bahrain’s parliament will hold a fresh vote on the preamble of the new advertising law after proposed changes to include digital media alongside traditional advertising platforms.