കോഴിക്കോട്: വീഡിയോ പ്രചരിച്ചതിനെത്തുടര്‍ന്ന് യുവാവ് ജീവനൊടുക്കിയ സംഭവത്തില്‍ വീഡിയോ ചിത്രീകരിച്ച യുവതി കസ്റ്റഡിയില്‍. വടകര സ്വദേശിനിയായ ഷിംജിത മുസ്തഫയെയാണ് കോഴിക്കോട് മെഡിക്കല്‍ കോളജ് പൊലിസ് കസ്റ്റഡിയില്‍ എടുത്തത്. വടകരയിലെ ബന്ധുവീട്ടില്‍ നിന്നാണ് ഷിംജിതയെ പിടികൂടിയത്. ആത്മഹത്യാ പ്രേരണക്കുറ്റം ചുമത്തിയാണ് ഇവര്‍ക്കെതിരെ പൊലിസ് കേസെടുത്തത്.

പൊലിസ് കേസെടുത്തതിന് പിന്നാലെ  ഷിംജിത മുസ്തഫ ഒളിവില്‍ പോയിരുന്നു. യുവതിയോട് മൊബൈല്‍ ഫോണില്‍ നിന്ന് വിഡിയോ ദൃശ്യങ്ങള്‍ ഡിലീറ്റ് ചെയ്യരുതെന്ന് പൊലിസ് ആവശ്യപ്പെട്ടിരുന്നു. യുവതിയുടെ മൊബൈല്‍ ഫോണ്‍ കസ്റ്റഡിയിലെടുത്ത് ഫൊറന്‍സിക് പരിശോധനയ്ക്ക് അയയ്ക്കും.

ദൃശ്യങ്ങള്‍ എഡിറ്റ് ചെയ്തതിന് ശേഷമാണോ സമൂഹമാധ്യമങ്ങളില്‍ പ്രചരിപ്പിച്ചതെന്ന് കണ്ടെത്താനാണ് പരിശോധന നടത്തുന്നത്.
യുവതി വിഡിയോ ചിത്രീകരിച്ച ബസിലെ സി.സി.ടി.വി ദൃശ്യങ്ങള്‍ പൊലിസ് ശേഖരിച്ചു.

ALSO READ: വീട്ടില്‍ വന്നിട്ടുണ്ടെന്ന് പോറ്റിയുടെ മൊഴി; പോയത് കുട്ടിയുടെ ചടങ്ങില്‍ പങ്കെടുക്കാനെന്ന് കടകംപള്ളി; ഫോട്ടോയില്‍ വിശദീകരണമില്ല

രാമന്തളി-പയ്യന്നൂര്‍ റൂട്ടില്‍ ഓടുന്ന അല്‍ അമീന്‍ ബസിലെ ദൃശ്യങ്ങളാണ് പൊലിസ് ശേഖരിച്ചത്. ബസില്‍ വച്ച് ഇത്തരത്തില്‍ യുവാവ് യുവതിയോട് മോശമായി പെരുമാറിയ സംഭവത്തെ കുറിച്ച് അറിയില്ലെന്ന് ജീവനക്കാര്‍ വ്യക്തമാക്കി. ബസില്‍ ആരും പരാതിപ്പെട്ടിട്ടില്ല. പൊലിസ് എയ്ഡ് പോസ്റ്റിനടുത്ത് ആളെ ഇറക്കിയിരുന്നെങ്കിലും അവിടെ വച്ചും ആരും പരാതി അറിയിച്ചില്ലെന്നും ജീവനക്കാര്‍ പറഞ്ഞു. ബസില്‍ യാത്ര ചെയ്തവരില്‍ നിന്നും പൊലിസ് മൊഴിയെടുക്കും.

കഴിഞ്ഞ വെള്ളിയാഴ്ച ബസ് യാത്രക്കിടെയാണ് ഗോവിന്ദപുരം, കൊളങ്ങരകണ്ടി, ഉള്ളാട്ട്‌തൊടി യു.ദീപകിന്റെ വിഡിയോ യുവതി പകര്‍ത്തുകയും പിന്നീട് സമൂഹമാധ്യമത്തില്‍ പ്രചരിപ്പിക്കുകയും ചെയ്തത്. ബസ് യാത്രക്കിടെ ശരീരത്തില്‍ സ്പര്‍ശിച്ചുവെന്നായിരുന്നു യുവതിയുടെ ആരോപണം. സംഭവം സമൂഹമാധ്യമങ്ങളില്‍ ചര്‍ച്ചയായതിന് പിന്നാലെയാണ് ദീപക് ആത്മഹത്യ ചെയ്തത്.

In a major development in the case related to the suicide of a youth named Deepak, the woman who recorded and circulated the controversial video has been taken into police custody. The accused, Shimjitha Mustafa, was arrested by the Kozhikode Medical College Police from the house of one of her relatives.