ബഹ്‌റൈന്‍: ബഹ്‌റൈനില്‍ ജസ്റ്റിസ്, ഇസ്ലാമിക് കാര്യങ്ങള്‍, വഖ്ഫ് മന്ത്രാലയം 'ഇന്‍സ്റ്റന്റ് ലെറ്റര്‍' എന്ന പുതിയ സേവനം ആരംഭിച്ചു. മൈനേഴ്‌സ് അഫയേഴ്‌സ് വിഭാഗത്തിലൂടെയാണ് ഈ സംവിധാനം നടപ്പാക്കുന്നത്. ഇതോടെ പല തരത്തിലുള്ള ഔദ്യോഗിക കത്തുകളും സര്‍ട്ടിഫിക്കറ്റുകളും കാത്തിരിപ്പ് കൂടാതെ ലഭ്യമാകും.

സേവനകേന്ദ്രത്തില്‍ നേരിട്ട് എത്തുകയോ ബഹ്‌റൈന്‍.ബിഎച്ച് എന്ന ഇഗവണ്‍മെന്റ് പോര്‍ട്ടല്‍ വഴി ഓണ്‍ലൈനായി അപേക്ഷിക്കുകയോ ചെയ്യാം. അപേക്ഷ അംഗീകരിച്ചാല്‍, രേഖകള്‍ ഉടന്‍ തന്നെ കൈപ്പറ്റാന്‍ സാധിക്കും. ഇതോടെ നീണ്ട നടപടിക്രമങ്ങളും അനാവശ്യമായ വൈകിപ്പുകളും ഒഴിവാക്കാനാകും.

സാമ്പത്തിക അവകാശങ്ങള്‍, ധനസഹായവുമായി ബന്ധപ്പെട്ട കത്തുകള്‍, സ്വത്ത് ഇടപാടുകള്‍, ടൈറ്റില്‍ ഡീഡ് കൈപ്പറ്റല്‍, വൈദ്യുതി-ജല അക്കൗണ്ട് തുറക്കല്‍ അല്ലെങ്കില്‍ അടയ്ക്കല്‍, വാഹനവും വാണിജ്യ രജിസ്‌ട്രേഷനും സംബന്ധിച്ച രേഖകള്‍, കേസ് സംബന്ധമായ സര്‍ട്ടിഫിക്കറ്റുകള്‍, ഗാര്‍ഡിയന്‍ഷിപ്പ് നില വ്യക്തമാക്കുന്ന രേഖകള്‍ എന്നിവ ഈ സേവനത്തില്‍ ഉള്‍പ്പെടുന്നു.

സര്‍ക്കാര്‍ സേവനങ്ങള്‍ കൂടുതല്‍ ലളിതവും വേഗത്തിലുള്ളതുമാക്കുന്നതിനുള്ള ഡിജിറ്റല്‍ പരിഷ്‌കരണങ്ങളുടെ ഭാഗമായാണ് ഈ പുതിയ സംവിധാനം ആരംഭിച്ചതെന്ന് മന്ത്രാലയം വ്യക്തമാക്കി.

The Bahrain Ministry of Justice, Islamic Affairs and Waqf has launched an instant official letters service under the Minors Affairs Administration, allowing beneficiaries to receive approved documents quickly through service centres or the eGovernment portal, as part of efforts to simplify procedures and improve service efficiency.