പാലക്കാട്:  പാലക്കാട് കല്ലേക്കാട് ആര്‍.എസ്.എസ് നിയന്ത്രണത്തിലുള്ള വ്യാസ വിദ്യാപീഠം സ്‌കൂളിലെ വിദ്യാര്‍ഥിനിയുടെ മരണത്തില്‍ റിപ്പോര്‍ട്ട് തേടി ശിശുക്ഷേമ സമിതി. വിദ്യാര്‍ഥിനിയുടെ മരണത്തില്‍ വ്യാപക പ്രതിഷേധം നടന്നതോടെയാണ് ശിശുക്ഷേമസമിതിയുടെ ഇടപെടല്‍.

 ജില്ലാ ചൈല്‍ഡ് പ്രൊട്ടക്ഷന്‍ ഓഫീസറോട് റിപ്പോര്‍ട്ട് സമര്‍പ്പിക്കാന്‍ നിര്‍ദേശം നല്‍കി . പൊലീസിനോടും റിപ്പോര്‍ട്ട് നല്‍കാന്‍ ആവശ്യപെട്ടിട്ടുണ്ട്. രുദ്രയുടെ സുഹൃത്തുക്കളില്‍ നിന്നും ബന്ധുക്കളില്‍ നിന്നും പൊലീസ് വിശദമായ മൊഴി രേഖപെടുത്തും.

കഴിഞ്ഞ ദിവസം രാത്രിയാണ് പ്ലസ് വിദ്യാര്‍ഥിനിയായ രുദ്ര രാജേഷിനെ ഹോസ്റ്റല്‍ മുറിയില്‍ മരിച്ച നിലയില്‍ കണ്ടെത്തിയത്. സീനിയര്‍ വിദ്യാര്‍ഥികളുടെ റാഗിങ്ങിനെ തുടര്‍ന്ന് രുദ്ര ജീവനൊടുക്കിയതാണെന്ന് ബന്ധുക്കള്‍ പരാതി നല്‍കിയിരുന്നു.