ചാലക്കുടി: നിയന്ത്രണം വിട്ട കാര്‍ ചായക്കടയിലേക്ക് ഇടിച്ചുകയറി ഒരാള്‍ക്ക് പരിക്ക്. കൊന്നക്കുഴി ചാട്ടുകല്ലുംതറ കപ്പേളക്ക് സമീപം ഇന്നലെ ഉച്ചയോടെയാണ് അപകടം നടന്നത്. ചായക്കട നടത്തിപ്പുകാരനായ കൊന്നക്കുഴി സ്വദേശി പടിക്കല വീട്ടില്‍ പാപ്പച്ചനാണ് (69) പരിക്കേറ്റത്.

കോഴിക്കോട് നിന്നും അതിരപ്പിള്ളിയിലേക്ക് വിനോദയാത്ര പോയ സംഘം സഞ്ചരിച്ച കാറാണ് അപകടത്തില്‍പ്പെട്ടത്. വളവ് തിരിയുന്നതിനിടെ നിയന്ത്രണം നഷ്ടപ്പെട്ട കാര്‍ കടയിലേക്ക് ഇടിച്ചുകയറുകയും മറിയുകയുമായിരുന്നു. അപകടസമയത്ത് കടയിലുണ്ടായിരുന്നവര്‍ ഓടിമാറിയതിനാല്‍ വലിയൊരു ദുരന്തം ഒഴിവായി.

A shop owner was injured after a car carrying tourists from Kozhikode lost control and crashed into a roadside tea shop near Chalakkudi.