സാധാരണയായി കുഞ്ഞാടുകള്‍ തുള്ളിച്ചാടി നടക്കുന്നത് കാണാനാണ് നമുക്കിഷ്ടം. എന്നാല്‍ ചൈനയിലെ സോങ്ഫാങ് ഗ്രാമത്തിലെ (Songfang Village) പത്തുദിവസം പ്രായമുള്ള കുഞ്ഞാട് കുറച്ച് വ്യത്യസ്തനാണ്. തന്നെ ആരെങ്കിലും വാങ്ങാന്‍ വരുന്നുണ്ടെന്ന് കണ്ടാല്‍ മതി, കക്ഷി ഉടന്‍ നിലത്തു വീഴും, പിന്നെ അനക്കമില്ല..! മരിച്ചുപോയി എന്ന് തോന്നിപ്പിക്കുന്ന തരത്തിലുള്ള ഈ 'അഭിനയം' ഇപ്പോള്‍ സോഷ്യല്‍ മീഡിയയില്‍ തരംഗമായി മാറിയിരിക്കുകയാണ്.

വാങ്ങാന്‍ വന്നാല്‍ 'സീന്‍' മാറും!

ഈ കുഞ്ഞാടിന്റെ യജമാനന്‍ വില്‍ക്കാന്‍ ശ്രമിക്കുമ്പോഴെല്ലാം ആട് ഈ തന്ത്രം പുറത്തെടുക്കും. കഴുത്തില്‍ കെട്ടിയിരിക്കുന്ന കയറില്‍ ഒന്ന് പിടിച്ചാല്‍ മതി, കുഞ്ഞാട് അബോധാവസ്ഥയിലായ പോലെ നിലത്ത് കിടക്കും. വാങ്ങാന്‍ വന്നവര്‍ പോയിക്കഴിഞ്ഞാല്‍ ഉടന്‍ എഴുന്നേറ്റ് തുള്ളിച്ചാടി നടക്കുകയും ചെയ്യും. ഇതിന്റെ വfഡിയോ വൈറലായതോടെ ലോകമെമ്പാടുമുള്ള ആളുകള്‍ ഈ കുഞ്ഞാടിന്റെ ബുദ്ധിശക്തിയെ പുകഴ്ത്തുകയാണ്.

ലക്ഷങ്ങളുടെ ഓഫര്‍, പക്ഷേ വല്‍പ്പനയില്ല

കുഞ്ഞാടിന്റെ ഈ അസാധാരണ കഴിവ് കണ്ട് വന്‍ തുക വാഗ്ദാനം ചെയ്ത് നിരവധി പേര്‍ മുന്നോട്ടുവരുന്നുണ്ട്. ലക്ഷക്കണക്കിന് രൂപ (ചൈനീസ് യുവാന്‍) ഓഫര്‍ വന്നെങ്കിലും തന്റെ കുഞ്ഞാടിനെ വില്‍ക്കാന്‍ യജമാനന്‍ ഇപ്പോള്‍ തയ്യാറല്ല. തന്റെ കൂടെ തന്നെ നില്‍ക്കാന്‍ ആട് കാണിക്കുന്ന ഈ സ്‌നേഹവും ബുദ്ധിയും പണത്തേക്കാള്‍ വലുതാണെന്നാണ് അദ്ദേഹം പറയുന്നത്.

ALSO READ: ഭൂമിയിലാണോ അതോ മറ്റേതെങ്കിലും ഗ്രഹത്തിലോ..? ലോകത്തിലെ അതിവിചിത്രമായ അഞ്ച് വിനോദസഞ്ചാര കേന്ദ്രങ്ങള്‍

മൃഗങ്ങള്‍ക്കിടയിലെ ഇത്തരം 'അഭിനയങ്ങള്‍' (Playing Dead/Thanatosis) സാധാരണയായി ശത്രുക്കളില്‍ നിന്ന് രക്ഷപ്പെടാനാണ് ഉപയോഗിക്കാറുള്ളത്. എന്നാല്‍ ഇവിടെ ഈ കുഞ്ഞാട് തന്റെ ഉടമയെ വിട്ടുപോകാതിരിക്കാനാണ് ഈ വിദ്യ പ്രയോഗിക്കുന്നത് എന്നതാണ് കൂടുതല്‍ ഹൃദ്യമാക്കുന്നത്.

A 10-day-old lamb in China's Songfang village has become an internet sensation for "playing dead" whenever someone tries to buy it, prompting the owner to refuse offers worth lakhs.