ഇരിട്ടി: കാരിത്താസ് ഇന്ത്യയും തലശേരി, കണ്ണൂര്‍, കോഴിക്കോട്, താമരശേരി, മാനന്തവാടി, ബത്തേരി രൂപതകളിലെ സാമൂഹ്യക്ഷേമ വിഭാഗങ്ങളും സംയുക്തമായി നടപ്പാക്കുന്ന ആശാകിരണം കാന്‍സര്‍ സുരക്ഷാ പദ്ധതിയുടെ  മലബാര്‍  മേഖലാതല ഉദ്ഘാടനം കെ.സി ജോസഫ് എം.എല്‍.എ നിര്‍വഹിച്ചു.. ചടങ്ങില്‍ തലശേരി ആര്‍ച്ച്ബിഷപ് മാര്‍ ജോര്‍ജ് ഞരളക്കാട്ട് അധ്യക്ഷനായി. കണ്ണൂര്‍ ബിഷപ് ഡോ.അലക്‌സ് വടക്കുംതല അനുഗ്രഹപ്രഭാഷണം നടത്തി. സണ്ണി ജോസഫ് എംഎല്‍എ മുഖ്യപ്രഭാഷണം നടത്തി. ടി.എസ്.എസ്.എസ് ഡയറക്ടര്‍ ഫാ. തോമസ് തയ്യില്‍ ആമുഖപ്രഭാഷണം നടത്തി.