മുംബൈ/ദുബൈ: ഇന്ത്യാ- അമേരിക്ക വ്യാപാര കരാറുമായി ബന്ധപ്പെട്ട ശുഭവാര്‍ത്തകള്‍ക്കിടയില്‍ മെച്ചപ്പെടുമെന്ന് തോന്നിച്ചിടത്തുനിന്ന് വീണ്ടും ഇടിഞ്ഞ് ഇന്ത്യന്‍ രൂപ (Indian Rupee Value). ഇന്ന് രാവിലെ വ്യാപാരത്തിന്റെ തുടക്കത്തില്‍ ഇന്ത്യന്‍ രൂപയുടെ മൂല്യം ഇടിഞ്ഞു. ഡോളറിനെതിരെ 22 പൈസ താഴ്ന്ന് 90.54 എന്ന നിലവാരത്തിലാണ് രൂപയുടെ വിനിമയം നടക്കുന്നത്. കോര്‍പ്പറേറ്റുകളും ഇറക്കുമതിക്കാരും വന്‍തോതില്‍ ഡോളര്‍ വാങ്ങിക്കൂട്ടിയതാണ് മൂല്യമിടിയാന്‍ കാരണമായത്. രാവിലെ 90.35ല്‍ വ്യാപാരം തുടങ്ങിയ രൂപ പിന്നീട് 90.54ലേക്ക് താഴുകയായിരുന്നു.

ചൊവ്വാഴ്ച ഏഷ്യയിലെ ഏറ്റവും മികച്ച പ്രകടനം കാഴ്ചവെച്ച കറന്‍സിയായിരുന്നു രൂപ. ഇന്ത്യാ- യുഎസ് വ്യാപാര കരാര്‍ വാര്‍ത്തയെത്തുടര്‍ന്ന് ഒറ്റ ദിവസം കൊണ്ട് 117 പൈസയുടെ റെക്കോര്‍ഡ് നേട്ടമാണ് രൂപ കൈവരിച്ചിരുന്നത്. വ്യാപാര കരാറിനെക്കുറിച്ച് ധാരണയായെങ്കിലും, ഇതിന്റെ ഔദ്യോഗിക രേഖകളോ കൃത്യമായ ചട്ടക്കൂടോ പുറത്തുവരാത്തത് നിക്ഷേപകര്‍ക്കിടയില്‍ ആശങ്ക വര്‍ദ്ധിപ്പിച്ചതാണ് രൂപയുടെ ചാഞ്ചാട്ടത്തില്‍ പ്രകാടമായത്.
റഷ്യയില്‍ നിന്നുള്ള അസംസ്‌കൃത എണ്ണ ഇറക്കുമതി ഇന്ത്യ ഘട്ടംഘട്ടമായി കുറയ്ക്കുമെന്നും അമേരിക്കയില്‍ നിന്നുള്ള ഊര്‍ജ്ജ ഇറക്കുമതി വര്‍ദ്ധിപ്പിക്കുമെന്നും പ്രസിഡന്റ് ട്രംപ് പ്രസ്താവിച്ചിരുന്നു.

പ്രവാസികള്‍ക്ക് നേട്ടം

രൂപയുടെ മൂല്യമിടിയുന്നത് യുഎഇയിലുള്ള ഇന്ത്യന്‍ പ്രവാസികള്‍ക്ക് പണമയക്കാന്‍ അനുകൂലമായ സാഹചര്യമൊരുക്കുന്നു. ദുബൈ ഉള്‍പ്പെടെയുള്ള സ്ഥലങ്ങളില്‍ നിന്നുള്ള പ്രവാസികള്‍ക്ക് ഓരോ ദിര്‍ഹത്തിനും ഇപ്പോള്‍ കൂടുതല്‍ രൂപ നാട്ടിലേക്ക് അയക്കാന്‍ സാധിക്കുന്നുണ്ട്. യു.എ.ഇ ദിര്‍ഹത്തിനെതിരെ രൂപയുടെ മൂല്യം റെക്കോര്‍ഡ് താഴ്ചയായ 24.98 വരെ എത്തിയിരുന്നു. ഇത് പ്രവാസികള്‍ക്ക് നാട്ടിലേക്ക് പണമയക്കാന്‍ ലഭിച്ച ഏറ്റവും മികച്ച അവസരമൊരുക്കി. 
സഊദി അറേബ്യ, ഖത്തര്‍, ബഹ്‌റൈന്‍, കുവൈത്ത്, ഒമാന്‍ എന്നീ ഗള്‍ഫ് രാജ്യങ്ങളുടെ കറന്‍സി മൂല്യത്തിലും ഇതിന് അനുസരിച്ച് മാറ്റം ഉണ്ടായി. പാകിസ്ഥാന്‍ രൂപ, ഫിലിപ്പൈന്‍ പെസോ എന്നിവയും ദുര്‍ബലമായി തുടരുന്നത് ആ രാജ്യങ്ങളില്‍ നിന്നുള്ളവര്‍ക്കും ഗുണകരമാകുന്നുണ്ട്. പെസോ ഇപ്പോള്‍ ദിര്‍ഹത്തിനെതിരെ 15.87 - 16.13 എന്ന നിലവാരത്തിലാണ്.
വിനിമയ നിരക്ക് ഇനിയും മാറിയേക്കുമെന്ന പ്രതീക്ഷയില്‍ പല പ്രവാസികളും തങ്ങളുടെ സമ്പാദ്യം ഭാഗികമായി മാത്രം നാട്ടിലേക്ക് അയച്ചുകൊണ്ട് വിപണിയെ നിരീക്ഷിക്കുകയാണെന്ന് എക്‌സ്‌ചേഞ്ച് ഹൗസുകള്‍ റിപ്പോര്‍ട്ട് ചെയ്യുന്നു. ഗള്‍ഫിലേത് ഉള്‍പ്പെടെ ലോകത്തെ പ്രധാന കറന്‍സികളും രൂപയും തമ്മിലുള്ള ഇന്നത്തെ വിനിമയ നിരക്ക് താഴെ പറയും വിധമാണ്.

ALSO READ: ലോകത്തെ വീണ്ടും ഞെട്ടിച്ച് ദുബൈ; ഇനി 'പറക്കും' യാത്ര; ഗതാഗതക്കുരുക്ക് അഴിക്കാന്‍ 'ഗ്ലൈഡ്‌വേയ്‌സ്' വരുന്നു; പരീക്ഷണ ഓട്ടം നാല് മാസത്തിനുള്ളില്‍

ALSO READ: സ്വർണവിലയിൽ ഇന്ന് വൻകുതിപ്പ്; പവന് കൂടിയത് 4,840, ആഗോളവിപണിയിൽ വില 5,000 ഡോളർ കടന്നു

The rupee depreciated 22 paise to 90.54 against the US dollar in early trade on Wednesday, following a sharp rally after India and the US agreed to a trade deal on suspected dollar buying by corporates and importers. Forex traders said despite the positive sentiment post the India-US trade deal, caution still remains as there is no signed or officially released trade agreement yet - no framework text or final documentation.
Soft Asian currencies continue to give UAE expatriates more value for every dirham they send home, with the Indian rupee, Philippine peso and Pakistani rupee all trading near some of their weakest levels in recent years.