കൊച്ചി: പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ചെന്ന കേസില്‍ തിരുവനന്തപുരം സ്വദേശിയായ 23 കാരനെതിരേയുള്ള കേസ് ഹൈക്കോടതി റദ്ദാക്കി. ഇരയെ പിന്നീട് വിവാഹം കഴിച്ചുവെന്നും ദമ്പതികള്‍ ഇപ്പോള്‍ സന്തോഷകരമായ ദാമ്പത്യജീവിതം നയിക്കുന്നുവെന്നും കണക്കിലെടുത്താണ് കേസ് റദ്ദാക്കിയത്.

പത്തനംതിട്ട പൊലിസ് സ്റ്റേഷനില്‍ പോക്സോ നിയമപ്രകാരം രജിസ്റ്റര്‍ ചെയ്ത കേസ് റദ്ദാക്കണമെന്ന് ആവശ്യപ്പെട്ട് പ്രതി സമര്‍പ്പിച്ച ഹരജി അനുവദിച്ച് ജസ്റ്റിസ് സി.പ്രദീപ് കുമാറിന്റെ ബെഞ്ചാണ് ഉത്തരവ് പുറപ്പെടുവിച്ചത്. പരാതിക്കാരിയുമായി പ്രതി സൗഹൃദം സ്ഥാപിച്ചിരുന്നുവെന്നും 2025 ജൂണ്‍ ഒമ്പതിന് വീട്ടിലേക്ക് കൊണ്ടുപോയി ലൈംഗികാതിക്രമത്തിന് വിധേയയാക്കിയെന്നും പ്രോസിക്യൂഷന്‍ പറയുന്നു.

ALSO READ: നാലുമണിക്കൂറോളം നാടിനെ വിറപ്പിച്ച് കൊമ്പന്‍, വ്യാപകനാശം; വീടിന്റെ ഗേറ്റ് തകര്‍ത്തു, തെങ്ങുകളും വൈദ്യുതി പോസ്റ്റും മറിച്ചിട്ടു, ബൈക്ക് നശിപ്പിച്ചു

2025 ഒക്ടോബര്‍ രണ്ടിന് ആരോപിക്കപ്പെട്ട സംഭവം നടന്ന് നാല് മാസത്തിന് ശേഷം പരാതിക്കാരിയെ വിവാഹം കഴിച്ചുവെന്നും, ഇപ്പോള്‍ സന്തോഷകരമായ ദാമ്പത്യ ജീവിതം നയിക്കുന്നുണ്ടെന്നും ചൂണ്ടിക്കാട്ടി പ്രതി നടപടികള്‍ റദ്ദാക്കണമെന്ന് ആവശ്യപ്പെട്ട് കോടതിയെ സമീപിക്കുകയായിരുന്നു. പരാതിക്കാരിക്ക് പ്രായപൂര്‍ത്തിയായി. ഹരജിക്കാരന്റെ വാദങ്ങളെ ശരിവച്ച് കേസ് റദ്ദാക്കണമെന്ന് അപേക്ഷിച്ച് പരാതിക്കാരന്‍ സമര്‍പ്പിച്ച സത്യവാങ്മൂലവും കോടതിയില്‍ സമര്‍പ്പിച്ചു. ഇക്കാര്യത്തില്‍ സുപ്രിംകോടതിയും ഹൈക്കോടതിയും മുന്‍പ് പുറപ്പെടുവിച്ച ഉത്തരവുകളും സിംഗിള്‍ബെഞ്ച് കണക്കിലെടുത്തു. 

The Kerala High Court has quashed a POCSO case registered against a 23-year-old man from Thiruvananthapuram, noting that he later married the survivor and the couple is now leading a happy married life.