കുവൈത്ത് സിറ്റി: കുവൈത്തിലെ ജഹ്‌റ ഗവർണറേറ്റിലുണ്ടായ തീപിടുത്തത്തിൽ ഒരാൾ മരിച്ചു. ജഹ്‌റയിലെ ഒരു ക്യാമ്പിലെ പ്രീഫാബ്രിക്കേറ്റഡ് ഘടനയിലാണ് തീപിടുത്തമുണ്ടായത്. ഇന്നലെയായിരുന്നു അപകടം സംഭവിച്ചത്.

ALSO READ: ജഹ്റയിൽ നഗരസഭയുടെ വൻ പരിശോധന; അനധികൃത ഫുഡ് ട്രക്കുകളും സ്റ്റാളുകളും നീക്കം ചെയ്തു

ക്യാമ്പിൽ തീ പടരുന്നതായുള്ള വിവരം ലഭിച്ച ഉടൻ തന്നെ ജനറൽ ഫയർ ഫോഴ്‌സ് വിഭാഗം സ്ഥലത്തെത്തി. ജഹ്‌റ ഇൻഡസ്ട്രിയൽ ഫയർ സെന്ററിൽ നിന്നുള്ള അഗ്നിശമന സേനാംഗങ്ങൾ നടത്തിയ ദ്രുതഗതിയിലുള്ള നീക്കത്തിലൂടെ തീ നിയന്ത്രണവിധേയമാക്കി. ക്യാമ്പിനുള്ളിലെ മെറ്റൽ ഷെഡിനുള്ളിലാണ് തീ പടർന്നതെന്ന് അധികൃതർ സ്ഥിരീകരിച്ചു.

ALSO READ: കടലിൽ പോകുന്നവർ ജാഗ്രത പാലിക്കുക ; കുവൈത്തിൽ ശക്തമായ കാറ്റിനും ഇടവിട്ട മഴയ്ക്കും സാധ്യത 

തീ പൂർണ്ണമായും അണച്ച ശേഷം നടത്തിയ പരിശോധനയിലാണ് ഉള്ളിൽ ഒരാളെ മരിച്ച നിലയിൽ കണ്ടെത്തിയത്. മരിച്ചയാളെക്കുറിച്ചുള്ള കൂടുതൽ വിവരങ്ങൾ ലഭ്യമായിട്ടില്ല. അപകടകാരണം കണ്ടെത്താനായി ഫോറൻസിക് വിദഗ്ധരും മറ്റ് ഉദ്യോഗസ്ഥരും സ്ഥലത്തെത്തി തെളിവുകൾ ശേഖരിച്ചു. കൂടുതൽ അന്വേഷണങ്ങൾക്കായി സ്ഥലം ബന്ധപ്പെട്ട അധികാരികൾക്ക് കൈമാറി.

a fire broke out at a camp in jahra, kuwait, resulting in the death of one person. the victim reportedly died at the scene due to severe injuries caused by the blaze.