ന്യൂഡൽഹി: പ്രധാനമന്ത്രി നരേന്ദ്ര മോദി ചോദ്യങ്ങളെ നേരിടാൻ ഭയപ്പെടുകയാണെന്നും നുണകളിൽ അഭയം പ്രാപിച്ചിരിക്കുകയാണെന്നും ലോക്‌സഭാ പ്രതിപക്ഷ നേതാവ് രാഹുൽ ഗാന്ധി. പാർലമെന്റിൽ താൻ ഉന്നയിച്ച ഗൗരവകരമായ ചോദ്യങ്ങൾക്ക് മറുപടി നൽകാതെ വ്യക്തിപരമായ കടന്നാക്രമണങ്ങൾക്കാണ് പ്രധാനമന്ത്രി മുതിരുന്നതെന്ന് രാഹുൽ കുറ്റപ്പെടുത്തി. സമൂഹമാധ്യമായ തന്റെ എക്സിലൂടെയാണ് പ്രതികരണം അറിയിച്ചത്.

ALSO READ: സ്കൂളിൽ കുട്ടികളെ മതംമാറ്റാൻ ശ്രമിച്ചെന്നു ബി.ജെ.പി നേതാവിന്റെ വ്യാജ പരാതിയിൽ പ്രധാനാധ്യാപകനെ പുറത്താക്കി, സ്കൂൾ ഒന്നടങ്കം എതിർത്തതോടെ തിരിച്ചെടുത്തു 

ലോക്‌സഭയിൽ ലഡാക്കിലെ ഇന്ത്യ-ചൈന സംഘർഷത്തെക്കുറിച്ച് മുൻ കരസേനാ മേധാവി ജനറൽ മനോജ് മുകുന്ദ് നരവനെയുടെ പുസ്തകം ഉദ്ധരിച്ചുകൊണ്ട് രാഹുൽ ഗാന്ധി നിരവധി ചോദ്യങ്ങൾ ഉന്നയിച്ചിരുന്നു. എന്നാൽ, അങ്ങനെയൊരു പുസ്തകം പ്രസിദ്ധീകരിച്ചിട്ടില്ലെന്ന വാദമാണ് ഭരണപക്ഷം സഭയിൽ ഉയർത്തിയത്. ഇതിന് മറുപടിയായി തൊട്ടടുത്ത ദിവസം വിവാദമായ ആ പുസ്തകവുമായാണ് രാഹുൽ ഗാന്ധി സഭയിലെത്തിയത്.

അതേസമയം അതിർത്തിയിലെ ചൈനീസ് കടന്നുകയറ്റം ഉൾപ്പെടെയുള്ള നിർണ്ണായക വിഷയങ്ങളിൽ പാർലമെന്റിൽ മറുപടി പറയാതെ പ്രധാനമന്ത്രി നരേന്ദ്ര മോദി ഒളിച്ചോടുകയാണെന്നും രാഹുൽ ഗാന്ധി പറഞ്ഞു. രാജ്യസഭയിലെ പ്രധാനമന്ത്രിയുടെ പ്രസംഗത്തിന് പിന്നാലെ മാധ്യമങ്ങളോട് സംസാരിക്കുകയായിരുന്നു അദ്ദേഹം. ഉന്നയിച്ച ചോദ്യങ്ങൾക്ക് മറുപടി നൽകുന്നതിന് പകരം പ്രതിപക്ഷത്തെ അധിക്ഷേപിക്കാനാണ് പ്രധാനമന്ത്രി ശ്രമിച്ചതെന്ന് രാഹുൽ കുറ്റപ്പെടുത്തി.

ലഡാക്കിലെ ചൈനീസ് കടന്നുകയറ്റത്തിൽ കേന്ദ്ര സർക്കാരിന് വീഴ്ച പറ്റിയെന്ന മുൻ കരസേനാ മേധാവിയുടെ വെളിപ്പെടുത്തലുകൾ ഗൗരവതരമാണ്. എന്നാൽ രാജ്യസുരക്ഷയുമായി ബന്ധപ്പെട്ട ഈ വിഷയത്തിൽ കൃത്യമായ മറുപടി നൽകാൻ സർക്കാർ ഇതുവരെ തയ്യാറായിട്ടില്ല എന്നും രാഹുൽ ​ഗാന്ധി പറ‍ഞ്ഞു.

വിവാദമായ 'എപ്സ്റ്റീൻ ഫയലുകളുടെ' പശ്ചാത്തലത്തിൽ, അമേരിക്കയുമായുള്ള വ്യാപാരക്കരാറുകളിൽ മോദി സർക്കാർ സമ്മർദ്ദത്തിന് വഴങ്ങിയോ എന്ന ചോദ്യത്തിനും പ്രധാനമന്ത്രി മൗനം പാലിക്കുകയാണ്. രാജ്യസഭയിലെ മറുപടി പ്രസംഗത്തിൽ ഉന്നയിക്കപ്പെട്ട വസ്തുതാപരമായ ചോദ്യങ്ങൾക്കൊന്നും പ്രധാനമന്ത്രി ഉത്തരം നൽകിയില്ല. വസ്തുതകൾ നിരത്തുന്നതിന് പകരം രാഷ്ട്രീയമായ പരിഹാസങ്ങളാണ് അദ്ദേഹം നടത്തിയത്. അതിർത്തിയിലെ യാഥാർത്ഥ്യങ്ങൾ മറച്ചുവെച്ച് ജനങ്ങളെ തെറ്റിദ്ധരിപ്പിക്കാനാണ് കേന്ദ്ര സർക്കാർ ശ്രമിക്കുന്നതെന്നും രാഹുൽ ഗാന്ധി കൂട്ടിച്ചേർത്തു.

Leader of Opposition Rahul Gandhi has launched a sharp attack on Prime Minister Narendra Modi, accusing him of avoiding the "truth" regarding national security and international controversies. Speaking to the media after the Prime Minister's address in the Rajya Sabha, Gandhi alleged that the government is evading accountability on two critical fronts: