മുംബൈ: ടി-20 ലോകകപ്പ് പോരാട്ടങ്ങൾക്ക് തുടക്കമാവാൻ ഇനി മണിക്കൂറുകൾ മാത്രമേ ബാക്കിയുള്ളൂ. ടൂർണമെന്റിൽ ഇന്ന് മൂന്നു മത്സരങ്ങളാണ് നടക്കുന്നത്. ടൂർണമെന്റിലെ ആദ്യ മത്സരത്തിൽ പാകിസ്ഥാനും ശ്രീലങ്കയുമാണ് നേർക്കുനേർ എത്തുന്നത്. രണ്ടാം മത്സരത്തിൽ വെസ്റ്റ് ഇൻഡീസ് സ്കോട്ലാൻഡിനെയും നേരിടും. ടൂർണമെന്റിലെ ആതിഥേയരായ ഇന്ത്യക്കും ഇന്ന് മത്സരമുണ്ട്. അമേരിക്കയാണ് ആദ്യ മത്സരത്തിൽ സൂര്യകുമാർ യാദവിന്റെയും സംഘത്തിന്റെയും എതിരാളികൾ. 

മുംബൈ വാംഖഡെ സ്റ്റേഡിയത്തിൽ നടക്കുന്ന മത്സരത്തിന് മുന്നോടിയായി ഇന്ത്യക്ക് നിരാശ നൽകുന്ന ഒരു വാർത്തയാണ് ഇപ്പോൾ പുറത്തുവന്നിരിക്കുന്നത്. മത്സരത്തിൽ സ്റ്റാർ പേസർ ജസ്പ്രീത് ബുംറ കളിക്കില്ലെന്നാണ് റിപ്പോർട്ട്. വൈറൽ പനി മൂലമാണ് ബുംറക്ക് ആദ്യ മത്സരം നഷ്ടമാവുന്നത്. കഴിഞ്ഞദിവസം സ്റ്റേഡിയത്തിൽ ഉണ്ടായിരുന്നിട്ടും ബുംറ ഇന്ത്യൻ ടീമിനൊപ്പം പരിശീലനം നടത്തിയില്ലെന്നും റിപ്പോർട്ടുകൾ നിലനിൽക്കുന്നുണ്ട്.

അതേസമയം പേസർ ഹർഷിത് റാണ ടൂർണമെന്റിൽ നിന്ന് പുറത്തായി. പകരം പരിചയസമ്പന്നനായ പേസർ മുഹമ്മദ് സിറാജിനെ ഇന്ത്യൻ ടീമിൽ ഉൾപ്പെടുത്തി. സന്നാഹ മത്സരത്തിനിടെയേറ്റ പരിക്കാണ് റാണയുടെ ലോകകപ്പ് സ്വപ്നങ്ങൾക്ക് തിരിച്ചടിയായത്.

നവി മുംബൈയിലെ ഡി.വൈ. പാട്ടീൽ സ്റ്റേഡിയത്തിൽ ദക്ഷിണാഫ്രിക്കയ്‌ക്കെതിരെ നടന്ന സന്നാഹ മത്സരത്തിനിടയിലാണ് ഹർഷിത് റാണയ്ക്ക് പരിക്കേറ്റത്.മത്സരത്തിൽ ഒരു ഓവർ മാത്രമാണ് റാണ എറിഞ്ഞത്. ആ ഓവറിൽ രണ്ട് തവണ റണ്ണപ്പിനായി ശ്രമിച്ചെങ്കിലും കാൽമുട്ടിന് അനുഭവപ്പെട്ട കടുത്ത വേദന കാരണം താരത്തിന് പൂർത്തിയാക്കാൻ സാധിച്ചില്ല.

ആറ് മാസത്തെ ഇടവേളയ്ക്ക് ശേഷമാണ് സിറാജ് ഇന്ത്യയുടെ ടി20 ടീമിലേക്ക് തിരിച്ചെത്തുന്നത്. 2024 ജൂലൈയിൽ ശ്രീലങ്കയ്‌ക്കെതിരെയാണ് സിറാജ് അവസാനമായി ടി20 കളിച്ചത്.ഇന്ത്യയ്ക്കായി 16 ടി20 മത്സരങ്ങളിൽ നിന്ന് 14 വിക്കറ്റുകൾ വീഴ്ത്തിയിട്ടുണ്ട്. 

India, the hosts of the T20 World Cup, also have a match today. Suryakumar Yadav and his team will face the United States in the first match. Ahead of the match to be held at the Wankhede Stadium, a disappointing news has now come out for India. It is reported that star pacer Jasprit Bumrah will not play in the match.