കുണിയ: സമസ്ത കേരളത്തിൽ നടപ്പിലാക്കിയ വിദ്യാഭ്യാസ വിപ്ലവം രാജ്യത്തിൻ്റെ വിവിധ സംസ്ഥാനങ്ങളിൽ കൂടി നടപ്പിലാക്കുന്നതിൻ്റെ ഭാഗമായി സംഘടിപ്പിച്ച നാഷണൽ എഡ്യൂക്കേഷൻ കോൺക്ലേവ് രാജ്യത്തിൻ്റെ നാളെയുടെ വിദ്യാഭ്യാസ വളർച്ചക്കുള്ള സമസ്തയുടെ ദീർഘവീക്ഷണം വരച്ചുകാട്ടുന്നതായി. രാജ്യത്തിൻ്റെ വിവിധ ഭാഗങ്ങളിൽ നിന്നെത്തിയ പ്രൊഫഷണലിസ്റ്റുകളും വിദ്യാഭ്യാസ, സാമൂഹിക പ്രവർത്തകരും പങ്കെടുത്ത പരിപാടി  എസ്.എൻ. ഇ.സി അക്കാദമിക് കൗൺസിൽ ചെയർമാൻ അബ്ദുൽ സലാം ബാഖവിയുടെ പ്രാർഥനയോടെയാണ് ആരംഭിച്ചത്. 

ന്യൂഡല്‍ഹി ജാമിഅ മില്ലിയ്യ ഇസ്ലാമിയ യൂനിവേഴ്‌സിറ്റി സൈക്കോളജി ഡിപ്പാർട്ട്മെൻ്റ് ഹെഡ്
പ്രൊഫസര്‍ നവേദ് ഇഖ്ബാലാണ് ഉദ്ഘാടനം ചെയ്തത്. എസ്.എൻ.ഇ.സി അക്കാദമിക് കൗൺസിൽ ജനറൽ കൺവീനർ  ഡോ. ബഷീര്‍ പനങ്ങാങ്ങര സ്വാഗതം പറഞ്ഞു. എസ്.എൻ. ഇ.സി ഗവേണിങ് കൗൺസിൽ കൺവീനർ മാന്നാർ ഇസ്മായില്‍ കുഞ്ഞുഹാജി അധ്യക്ഷനായി. അഡ്വ. ഹാരിസ് ബീരാന്‍ എം.പി മുഖ്യപ്രഭാഷണം നടത്തി. 

ദഅവ, കേരള മോഡല്‍ എന്ന വിഷയത്തില്‍ റഫീഖ് അഹ്‌മദ് ഹുദവി കോലാര്‍ സംസാരിച്ചു. സമസ്ത, ഐഡിയല്‍ മിഷനറി എന്ന രണ്ടാം സെഷനില്‍ സിദ്ദിഖ് നദ് വി മാരായമംഗലം, മോഡല്‍ മഹല്ല്, ദര്‍സ് പ്രൊജക്ട്, അബ്ദുറഹ്‌മാന്‍ ദാഈ ദാരിമി, പ്രൈമറി സംവിധാനങ്ങള്‍, പി.കെ അസ്ലം ഫൈസി ബംഗളുരു, എസ്.കെ.എസ്.എസ്.എഫ് ദേശീയ പദ്ധതികള്‍, ഡോ. കെ.ടി ജാബിര്‍ ഹുദവി, എസ്.എന്‍.ഇ.സി, സമഗ്ര ദേശീയ വിദ്യഭ്യാസ പദ്ധതി എന്ന വിഷയവും അവതരിപ്പിചു. കേരളത്തിനപ്പുറം സെഷനില്‍ ശാഹിദ് തിരുവള്ളൂര്‍ ഐ.ഐ.എസ് മേഡറേറ്ററായി. 

സയ്യിദ് വാഹിദ് അലി, മുഹമ്മദ് അലി ശിഹാബ് ഐ.എ.എസ്, സയ്യിദ് മുഈന്‍ ഹുദവി, മന്‍സൂര്‍ ഹുദവി വെസ്റ്റ് ബംഗാള്‍, മൗലാനാ മുഹമ്മദ് ഖാലിദ് അലി അൽ അസ്ഹരി, ഡോ. ഷഫീഖ് റഹ്‌മാനി വഴിപ്പാറ, ഇസ്ഹാഖ് ഹാജി തൊടാർ, സലിം ജാവേദ് ശ്രീനഗർ, ശുഐബ് സനാഈ പേരാല്‍ എന്നിവര്‍ സംവദിച്ചു.