പട്ടാമ്പി: ഓണാഘോഷത്തോടനുബന്ധിച്ച് എക്‌സൈസ് റെയ്ഞ്ച് ഇന്‍സ്‌പെക്ടര്‍ തോമസ് ജോസഫിന്റെ നേതൃത്വത്തിലുള്ള പ്രത്യേക ജാഗ്രത പ്രവര്‍ത്തനങ്ങള്‍ക്കിടെ ഓട്ടോറിക്ഷയില്‍ വിദേശ മദ്യം കടത്തിയതിന് മൂന്നു പേരെ അറസ്റ്റ് ചെയ്തു.
മുതുതല സ്വദേശി സത്യപ്രകാശന്‍ (39). അളവില്‍ കൂടുതല്‍ വിദേശമദ്യം കൈവശം വച്ചതിന് കോഴിക്കോട്ടിരി അമ്പലപ്പറമ്പില്‍ സുരേഷ് ബാബു (40). ചെമ്പുലങ്ങാട്‌ദേശത്ത് സുരേഷ് ബാബു (37) എന്നിവരെയാണ് എക്‌സൈസ് സംഘം പിടികൂടിയത്.
പ്രിവന്റ് ഓഫിസര്‍മാരായ എസ് ഗോപാലകൃഷ്ണന്‍, കെ വസന്തകുമാര്‍, സിവില്‍ എക്‌സൈസ് ഓഫിസര്‍മാരായ കെ.ഒ പ്രസന്നന്‍, ബെന്നി, കെ സെബാസ്റ്റ്യന്‍, കെ ഹരിദാസ്, പി.കെ ഷിബു, ജിജോയ്.
വനിത സിവില്‍ എക്‌സൈസ് ഓഫിസര്‍മാരായ പൊന്നുവാവ, ഷൈനി, ഡ്രൈവര്‍ കെ.ടി തോമസ് തുടങ്ങിയവരായിരുന്നു എക്‌സൈസ് സംഘത്തില്‍ ഉണ്ടായിരുന്നത്.