റിയാദ്: മക്കയിലെ വിശുദ്ധ കഅബയെ പുതപ്പിക്കുന്ന 'കിസ്‌വ'യുടെ ഭാഗങ്ങൾ ലൈംഗിക കുറ്റവാളിയും മൊസാദ് ചാരനുമായ അമേരിക്കൻ ശതകോടീശ്വരൻ ജെഫ്രി എപ്‌സ്റ്റീന് അയച്ചുകൊടുത്ത സംഭവത്തിൽ കൂടുതൽ തെളിവുകൾ പുറത്ത്. കിസ്‌വ പരിശോധിക്കുന്ന എപ്‌സ്റ്റീന്റെയും ഡിപി വേൾഡ് സിഇഒ സുൽത്താൻ അഹമ്മദ് ബിൻ സുലായത്തിന്റെയും ചിത്രമാണ് ഇപ്പോൾ പുറത്തുവന്നിരിക്കുന്നത്.

അമേരിക്കൻ നീതിന്യായ വകുപ്പ് പുറത്തുവിട്ട ഇമെയിൽ രേഖകളിലാണ് ഈ ചിത്രമുള്ളത്. 2014 മേയ് 8-ന് അയച്ച ഒരു ഇമെയിലിൽ അറ്റാച്ച്‌മെന്റായാണ് ഈ ചിത്രം ഉൾപ്പെടുത്തിയിരിക്കുന്നത്.

യുഎഇ വഴി ഫ്ലോറിഡയിലേക്ക്

2017-ലെ ഇമെയിൽ രേഖകൾ പ്രകാരം, സ്വർണ്ണനൂലുകളാൽ എംബ്രോയ്ഡറി ചെയ്ത കിസ്‌വയുടെ കറുത്ത തുണി കഷണങ്ങൾ യുഎഇയിലെ ചില സമ്പർക്കങ്ങൾ വഴിയാണ് എപ്‌സ്റ്റീന്റെ ഫ്ലോറിഡയിലെ വസതിയിൽ എത്തിയത്. പ്രശസ്ത യുഎഇ ബിസിനസ് വുമൺ അസീസ അൽ-അഹമ്മദി, അബ്ദുള്ള അൽ-മാരി എന്നിവർ ചേർന്നാണ് കിസ്‌വയുടെ മൂന്ന് ഭാഗങ്ങൾ എപ്‌സ്റ്റീന് എത്തിക്കാൻ ഇടപെടൽ നടത്തിയത്.

സൗദി അറേബ്യയിൽ നിന്ന് ബ്രിട്ടീഷ് എയർവേയ്‌സ് വഴി എയർ ഫ്രൈറ്റിലൂടെയാണ് ഇവ ഫ്ലോറിഡയിലെത്തിയത്. ഇതിന്റെ ഇൻവോയ്‌സും കസ്റ്റംസ് രേഖകളും ഇമെയിലിലുണ്ട്. സെക്‌സ് റാക്കറ്റ് കേസിൽ ജയിൽ ശിക്ഷ അനുഭവിച്ചതിന് ശേഷം 2017 മാർച്ചിലാണ് ഈ പാഴ്സലുകൾ എപ്‌സ്റ്റീന്റെ വീട്ടിലെത്തിയത്.

മതപരമായ പ്രാധാന്യം വിശദീകരിച്ചു

വിശുദ്ധ കിസ്‌വയുടെ പ്രാധാന്യത്തെക്കുറിച്ച് അസീസ അൽ-അഹമ്മദി, എപ്‌സ്റ്റീന് അയച്ച ഇമെയിലിൽ വിശദീകരിക്കുകയും ചെയ്തു. കിസ്‌വയിൽ പത്ത് ദശലക്ഷത്തിലധികം വരുന്ന മുസ്ലിംകൾ സ്പർശിച്ചിട്ടുണ്ട്. കഅബയ്ക്ക് ചുറ്റും ഏഴ് തവണ പ്രദക്ഷിണം ചെയ്ത ശേഷം എല്ലാവരും തങ്ങളുടെ പ്രാർത്ഥനകളും കണ്ണീരും പ്രതീക്ഷകളും ഇതിൽ അർപ്പിക്കുന്നു. അവരുടെ പ്രാർത്ഥനകൾ സ്വീകരിക്കപ്പെടുമെന്ന വിശ്വാസത്തിലാണ് അവർ ഇത് ചെയ്യുന്നത് എന്നാണ് അവർ മെയിലിൽ കുറിച്ചത്. ലോകം എമ്പാടുമുള്ള മുസ്ലിംകൾ ഏറെ പവിത്രമായി കരുതുന്ന കിസ്‌വ എന്തിനാണ്, അസീസ അൽ-അഹമ്മദി, എപ്‌സ്റ്റീന് അയച്ചു കൊടുത്തത്എന്ന് വ്യക്തമല്ല.

ALSO READ: *രാജസ്ഥാനിൽ തബ്ലീഗ് ജമാഅത്ത് പ്രവർത്തകരെ പിടികൂടി ഗുജറാത്ത് അതിർത്തിയിൽ വിട്ടയച്ചു*

Days after it was reported that pieces of Kiswa, the sacred cloth covering the Kaaba in Makkah, was shipped to American financier and convicted sex offender Jeffrey Epstein, a new image has surfaced showing him and another looking at the cloth. Epstein is pictured with Chief Executive Officer of DP World, Sultan Ahmed bin Sulayem.