ന്യൂഡല്‍ഹി: ആം ആദ്മി പാര്‍ട്ടിയിലെ ഡല്‍ഹി എം.എല്‍.എ അമാനത്തുള്ള ഖാനെതിരെ ലൈംഗിക ആരോപണ കേസ്. എംഎല്‍എയുടെ ബന്ധുവായ 32 വയസ്സുകാരിയാണ് പരാതിയുമായി പൊലീസിനെ സമീപിച്ചത്. ശാരീരികബന്ധത്തില്‍ ഏര്‍പ്പെടാന്‍ ഖാന്‍ നിര്‍ബന്ധിച്ചതായി പരാതിയില്‍ പറയുന്നു. എന്നാല്‍ ആരോപണം ഖാന്‍ നിഷേധിച്ചു. തനിക്ക് ആ സ്ത്രീയുമായി ഒരു ബന്ധവുമില്ലെന്ന് അദ്ദേഹം പറഞ്ഞു. യുവതിയുടെ പരാതിയുടെ അടിസ്ഥാനത്തില്‍ അമാനത്തുള്ളക്കെതിരെ പൊലിസ് കേസ് രജിസ്റ്റര്‍ ചെയ്തിട്ടുണ്ട്.

നിയമന അഴിമതി ആരോപണവുമായി ബന്ധപ്പെട്ട് ഖാന്‍ വഖഫ് ബോര്‍ഡ് ചെയര്‍മാന്‍ സ്ഥാനം രാജിവെച്ചിരുന്നു. രണ്ട് ദിവസം മുന്‍പ് അദ്ദേഹത്തിന്റെ ഒഫിസില്‍ റെയിഡ് നടന്നിരുന്നു.