കോഴിക്കോട്: കോഴിക്കോട് വൈദ്യുതി ലൈനില്‍ നിന്ന് ഷോക്കേറ്റ് 12 വയസുകാരി മരിച്ചു. കൊടുവള്ളി കച്ചേരിമുക്ക് കളത്തിങ്കല്‍ റഷീദിന്റെ മകള്‍ തന്‍ഹയാണ് മരിച്ചത്. മടവൂര്‍ എ.യു.പി സ്‌കൂളിലെ ഏഴാം ക്ലാസ് വിദ്യാര്‍ഥിനിയാണ്.

ഇന്നലെ വൈകീട്ട് ആറ് മണിയോടെയായിരുന്നു അപകടമുണ്ടായത്. വീടിന്റെ മുകളില്‍ നിന്ന് വൈദ്യുതി ലൈനില്‍ അബദ്ധത്തില്‍ കൈ തട്ടിയതാണെന്നാണ് വിവരം. ഇവരുടെ വീടിന് സമീപത്തു കൂടെയാണ് വൈദ്യുതി ലൈന്‍ കടന്നുപോവുന്നത്. 

ALSO READ: ഡിഐജി ഓഫിസിന് തൊട്ടടുത്ത് മോഷണം; തെളിവായി ഐഡി കാര്‍ഡുകള്‍ ഉപേക്ഷിച്ച് കള്ളന്‍

ഇവരുടെ പഴയ വീട്ടില്‍ നിന്ന് അകലെയായിട്ടായിരുന്നു ലൈന്‍ കടന്നു പോയിരുന്നത്. എന്നാല്‍ പുതിയ വീട് നിര്‍മ്മിച്ചപ്പോള്‍ വൈദ്യുതി ലൈന്‍ വീടിന്റെ അടുത്ത് തന്നെ ആയി എന്നാണ് പറയുന്നത്. അപകടം നടന്ന ഉടന്‍ തന്നെ കൊടുവള്ളിയിലെ സ്വകാര്യ ആശുപത്രിയില്‍ എത്തിച്ചിരുന്നു. എന്നാല്‍ ജീവന്‍ രക്ഷിക്കാനായില്ല. മൃതദേഹം കോഴിക്കോട് മെഡിക്കല്‍ കോളജ് ആശുപത്രി മോര്‍ച്ചറിയില്‍ സൂക്ഷിച്ചിരിക്കുകയാണ്.

a 12-year-old schoolgirl died of electrocution in kozhikode after accidentally coming into contact with a nearby power line while at home, authorities said.