കോഴിക്കോട്: സ്വാതന്ത്ര്യദിനത്തോടനുബന്ധിച്ച് എസ്.കെ.എസ്.എസ്.എഫ്. റൈറ്റേര്‍സ് ഫോറം സംസ്ഥാനതലത്തില്‍ നടത്തിയ പ്രബന്ധരചനാ മത്സര വിജയികള്‍ക്കുള്ള അവാര്‍ഡുകള്‍ കോഴിക്കോട് ഖാസി സയ്യിദ് മുഹമ്മദ് കോയ തങ്ങള്‍ ജമലുല്ലൈലി വിതരണം ചെയ്തു. പാണക്കാട് സയ്യിദ് ഹമീദലി ശിഹാബ് തങ്ങള്‍ അധ്യക്ഷനായി. 'മതേതര ഇന്ത്യ: ആശങ്കകളും പ്രതീക്ഷകളും' എന്ന വിഷയത്തില്‍ നടന്ന മത്സരത്തില്‍ ജേതാക്കളായ ചെമ്മാട് ദാറുല്‍ ഹുദാ ഇസ്‌ലാമിക് യൂനിവേഴ്‌സിറ്റിയിലെ ഒ.എം അബ്ദുല്‍ ലത്തീഫ്,തൃശൂര്‍ നഹ്ജുറശാദ് ഇസ്‌ലാമിക് കോളജിലെ മുഹമ്മദ് റാഫി, പെരുവള്ളൂര്‍ തന്‍വീര്‍ കോളജിലെ മുഹമ്മദ് റാഷിദ് എന്നീ വിദ്യാര്‍ഥികളാണ് അവാര്‍ഡ് ഏറ്റുവാങ്ങിയത്.