ദോഹ: വോഡഫോൺ ഖത്തർ രണ്ട് പുതിയ റീട്ടെയിൽ സ്റ്റോറുകൾ കൂടി ആരംഭിച്ചു. ഉപഭോക്താക്കൾക്ക് വേഗത്തിൽ സേവനങ്ങൾ ലഭ്യമാക്കുകയെന്ന ലക്ഷ്യത്തോടെയാണ് ഔട്ട്‌ലെറ്റുകൾ പ്രവർത്തനമാരംഭിച്ചത്. ദോഹ മാൾ, വക്ര ബുളിവാർഡ് എന്നിവിടങ്ങളിലാണ് പുതിയ സ്റ്റോറുകൾ. ഇവിടെ ജനങ്ങൾ കൂടുതലുള്ള ഭാ​ഗങ്ങളായതിനാൽ ഈ പുതിയ സ്റ്റോറുകൾ താമസക്കാർക്ക് പ്രയോജനപ്പെടും. ഏറ്റവും പുതിയ സ്മാർട്ട്‌ഫോണുകൾ, 5G-ഫൈബർ റൂട്ടറുകൾ, ഹോം ബ്രോഡ്‌ബാൻഡ് സൊല്യൂഷനുകൾ എന്നിവ ഇവിടെ ലഭ്യമാണ്.

ALSO READ: ഭക്ഷ്യസുരക്ഷാ ലക്ഷ്യങ്ങളിലേക്ക് ഖത്തർ; നാല് വിഭാഗങ്ങളിലായി പുരസ്‌കാരം, നാമനിർദേശങ്ങൾ ഏപ്രിൽ മുതൽ

ഓരോ സ്റ്റോറിലും പ്രത്യേകം സജ്ജീകരിച്ചിരിക്കുന്ന 'ഹോം കോർണറിൽ' ഉപഭോക്താക്കൾക്ക് തത്സമയം വോഡഫോൺ ഫൈബർ കണക്റ്റിവിറ്റി അനുഭവിച്ചറിയാൻ സാധിക്കും.വോഡഫോൺ ഖത്തർ എക്സിക്യൂട്ടീവുകളുടെ നേതൃത്വത്തിലായിരുന്നു ചടങ്ങ്. സ്റ്റോറിൽ ആ​​ദ്യമെത്തിയവർക്ക് പ്രത്യേക ഓഫറുകളും ലഭ്യമായിരുന്നു. തങ്ങളുടെ സാന്നിധ്യം ശക്തമാക്കുന്നതിന്റെ ഭാഗമായാണ് പുതിയ സ്റ്റോറുകൾ തുറന്നതെന്ന് വോഡഫോൺ ഖത്തർ വ്യക്തമാക്കി.

Vodafone Qatar expands its retail presence with two new stores at Doha Mall and Wakrah Boulevard. The modern outlets feature dedicated "Home Corners" for 5G and fiber connectivity experiences.