2026 ഐപിഎല്ലിനായുള്ള ഒരുക്കത്തിലാണ് രാജസ്ഥാൻ റോയൽസ്. ടീമിൽ അടിമുടി മാറ്റങ്ങളുമായാണ് രാജസ്ഥാൻ ഇത്തവണ കളത്തിൽ ഇറങ്ങുന്നത്. രാജസ്ഥാൻ നായകൻ സഞ്ജു സാംസൺ ചെന്നൈ സൂപ്പ്ര് കിങ്സിലേക്ക് പോയതാണ് രാജസ്ഥാനിലെ ഈ സീസണിലെ വമ്പൻ മാറ്റം. സഞ്ജുവിന് പകരം ചെന്നൈയിൽ നിന്നും രവീന്ദ്ര ജഡേജ, സാം കറൻ എന്നിവരെയാണ് രാജസ്ഥാൻ സ്വന്തമാക്കിയത്. 

സഞ്ജുവിന് പകരം റിയാൻ പരാഗത്തിന്റെ കീഴിലാണ് രാജസ്ഥാൻ ഇത്തവണ പോരാട്ടത്തിനിറങ്ങുന്നത്. ഇപ്പോൾ ഐപിഎല്ലിന് മുന്നോടിയായുള്ള റിയാൻ പരാഗിന്റെ പരിശീലനമാണ് ഏറെ ശ്രദ്ധ നേടുന്നത്. നെറ്റ്സിൽ വ്യത്യസ്തമായ ഷോട്ടുകൾ കളിക്കുന്ന പരാഗിന്റെ വീഡിയോയാണ് രാജസ്ഥാൻ പോസ്റ്റ് ചെയ്തിരിക്കുന്നത്. പലതരം ഷോട്ടുകളിലൂടെ കളിക്കുന്ന പരാഗിന്റെ ശൈലി രാജസ്ഥാന് വലിയ ആത്മവിശ്വാസമാണ് നൽകുന്നത്. 

രവീന്ദ്ര ജഡേജ, ഓപ്പണർ യശസ്വി ജയ്‌സ്വാൾ എന്നിവരെ മറികടന്നാണ് പരാഗിനെ മാനേജ്‌മെന്റ് ക്യാപ്റ്റനായി നിയമിച്ചത്. 2025 ഐപിഎൽ സീസണിൽ സഞ്ജു സാംസൺ പരുക്കേറ്റ് പുറത്തായിരുന്ന മത്സരങ്ങളിൽ ടീമിനെ നയിച്ചത് പരാഗ് ആയിരുന്നു. സൺറൈസേഴ്‌സ് ഹൈദരബാദ് മത്സരത്തിലാണ് രാജസ്ഥാന്റെ ക്യാപ്റ്റനായി പരാഗ് കളത്തിൽ ഇറങ്ങിയത്. ഇതോടെ രാജസ്ഥാൻ റോയൽസിനെ നയിക്കുന്ന ഏറ്റവും പ്രായം കുറഞ്ഞ ക്യാപ്റ്റനായും പരാഗ് മാറി. തന്റെ 23 വയസിലാണ് പരാഗ് ഈ നേട്ടം സ്വന്തമാക്കിയിരിക്കുന്നത്. 24 വയസിൽ രാജസ്ഥാന്റെ ക്യാപ്റ്റനായ ഓസ്‌ട്രേലിയൻ ഇതിഹാസം സ്റ്റീവ് സ്മിത്തിനെ മറികടന്നാണ് പരാഗ് ഈ നേട്ടം കൈവരിച്ചത്.

17ാം വയസിലാണ് പരാഗ് ഐപിഎല്ലിൽ അരങ്ങേറ്റം കുറിച്ചത്. ആ സീസണിൽ അർദ്ധ സെഞ്ചറി നേടുന്ന പ്രായം കുറഞ്ഞ താരമായും പരാഗ് മാറി. 2024 സീസണിൽ രാജസ്ഥാന്റെ ഉയർന്ന റൺ വേട്ടക്കാരനായിരുന്നു പരാഗ്. ഐപിഎല്ലിൽ രാജസ്ഥാനായി 141.84 സ്‌ട്രൈക്ക് റേറ്റിൽ 1566 റൺസാണ് പരാഗിന്റെ സമ്പാദ്യം. പരാഗിന്റെ കീഴിൽ രാജസ്ഥാൻ പുതിയ സീസണിൽ മിന്നും പ്രകടനം നടത്തുമെന്നാണ് ആരാധകർ ഉറച്ചു വിശ്വസിക്കുന്നത്. 

Rajasthan Royals is entering the fray this time under Riyan Paragat instead of Sanju Samson. Riyan Parag's training ahead of the IPL is currently garnering a lot of attention. Rajasthan has posted a video of Paragat playing different shots in the nets. Parag's style of playing through a variety of shots is giving Rajasthan a lot of confidence.